Knossos

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

't Pelies van Knossos.

Knossos (Grieks: Κνω(σ)σός, Knōs(s)os) is 'n aaj sjtad op 't eilandj Kreta. Opgravinge hie höbbe biegedrage aan de kènnis euver de Minoïsche besjaving.

Opgraving

In de negeteenden eew waerde döks matterjaal van 'n terrein net t'n zuje van de Kretenzische houfsjtad Iraklion gebroek veur hoezer te boewe in die sjtad. Vermeud waerde det op det terrein de reste loge van 't kolossaal Minoïsch pelies van Knossos. In 1878 vónj Arthur John Evans 't de meujde waerd te óngerzeuke waatfer gebroek hie had gesjtange veurdet alle sjpäör door de hoesboew wore oetgewusj. Hae begós mit opgravinge bie Knossos en 't waerde al sjnel dudelik det hie e Minoïsch pelies had gesjtange, wersjienlik 't pelies van de legendarische keuning Minos. Bie de opgravinge waerde de wèstelike vleugel van 't pelies óntdèk. Me vónj väöl aerdwirk, vaze en kanne en ouch e sjtierefresco.