Naar inhoud springen

Klophings

Van Wikipedia

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


'ne Klophings (sóms ouch karhings) is 'ne Limburgse sjelnaam veur emes dae nörges veur doug of veur emes dae es vechtersbaas bekènd sjteit.

Herkóms[bewirk | brón bewèrke]

In vreuger tieje woorte hengste dèks gecastreerd door ’t verbriezele, ’t zoagenaamde kloppe, van de teelballe. De bedoeling hiejvan waas óm de hings röstiger te make wodoor hae meer van zien sjpierkrach koosj gebruuk make. 'ne Hings dae zoa ónvruchbaar waas gemaak woort dan klophings geneump. 'ne Hings wobiej ein of tweë teelballe ware ingedaald woort ouch waal klophings geneump. Woort de hings gebruuk veur ’t trèkke van ein kar, dan sjprook me meistal van eine karhings.

Later is de naam klophings in gebruuk geraak veur 'ne niksnöt dae es vechtersbaas bekènd sjteit. 'ne Karhings haet in oarspjróng dezelfde beteikenis es klophings, allein wirt dees oetdrökking noe meistal gebruuk veur ’n ónbesjóf emes.

Gezègkde[bewirk | brón bewèrke]

  • Wat bès dich toch eine klophings – Nederlands: Wat ben jij toch een nietsnut.
  • Wat bès dich eine karhings – Nederlands: Wat ben jij toch een onbeschoft iemand.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Klophings&oldid=443142"