Keuninklikke Hermenie Sainte Cécile Èèsjde

Dit artikel is gesjreve (of begós) in 't Èèsjdes. Laes hie wie v'r mit de versjillende saorte Limburgs ómgaon.

De Keuninklikke Hermenie "Sainte Cécile" is 'n hermenieorkest oet Èèsjde, Limburg, dat ien 1880 doer René graof de Geloes weerd opgericht. Zie wurre ien Èèsjde "De Roei" genumd. Dit doer de roei kleur van hun pette. De hermenie is erg verbongde mit de sociale-culturen en kerkelijke leive ien Èèsjde. 't Oettreije van de hermenie besjteit aon de eine kant oet 't muzikaal ienvulle van (kerkelik) plechtighede, fête en concerte ien Èèsjde en aon de andere kant het verzurge van concerte, taptoes en streetparades ien binne- en boeteland.

Sainte Cécile heit 'ne sjterke Belsj-Franse iensjlaog, dat neet alleng tot oetdrukking kumt ien de uniformering, mèr aoch ien de meneer wie ze muziek maoke en hun marserepetoir. Wijjer heit Sainte Cécile twie jeugdorkeste, naomelik "Les Jeunes" en "Les Petits Jeunes". D'r zien mierdere verejnigingen die onder de vlag van de Sainte Cécile operere.

Ien Èèsjde besjteit dr nog 'n twiede hermenie, naomelik de Keuninklikke aw hermenie van Èèsjde oet 1874.

Onder lejjing van directeur Arthur Renkin van eind jaore dartig tot aon z'ne doed, ien 1946, were de optrèjens van de "roei" min of mier op militaire wijze vurmgegeive. Heir waor dan ouch kapitein-musiciene bie 't garnizoen Verviers.

De nuj hermenie is ongtsjtande oet 'n opsjplitsing van de aw hermenie. De officieel akte weerd doer René graof de Geloes van 't Kesjtiel ien Èèsjde voltrokke. Venaof häör oprichting heit 't hermenieorkest d'r nao gesjtreefd 't muzikaal niveau op 'n hoeg peil te bringe en hawwe. D'r weerd mitgedoen aon 'n groet aontal concourse ien Nederland en ien 't boeteland. 't Orkest heit ouch mitgedoen aon versjillende radio- en tellevisieopnaomes.

Neive de conzèrs ien Nederland were ouch ien 't boeteland conzerte verzurgd, zoe es ien Belsj, Luxemburg, Frankriek, Zjwitserland, Duitsland, Itaolië en Sjpanje. Ien 1992 waore ze op oetnudiging van 't Poolse Ministerie van Cultuur ien versjillende groete plaotse en gaove dao 'n conzèr. Ien 1999 heit 't hermenieorkest mit succes mitgedoen aon 't prestigieuze Certamen International de Bandas de Musica Ciutat ien Valencia, Sjpanje ien de sectie Especial A.

Ien 1997 en 2001 weerd d'r mitgedoen aon 't Wereld Muziek Concours (WMC) ien Kerkraoj en in 2001 were ze ien de Concertaofdeiling "Vice-Wèreldkampioen". Ien 2007 ging 't orkest zich teste op 't Oëpe Nederlands Kampioensjap vuur de Concertaofdeling (ouch waol 't Mini WMC genumd). Op dit mini-WMC were ze kampioen.

Ien 2009 weerd dit orkest ongder lejjing van Jan Cober bie 't Wereld Muziek Concours ien Kerkraoj ien de Concertaofdeiling van de sectie hermenie wèreldkampioen. Op 28 juli 2013 deeg de Keuninklikke Hermenie Sainte Cécile oet Èèsjde weer mit aon 't 16de WMC. De titel ien de allerhoegsjte aofdeiling, de concertaofdeiling weerd mit 95,42 punjte verdedigd en de verejniging weerd daomit wir wèreldkampioen ien de sectie hermenie.

't Orkest heit ongder versjillende dirigente mierdere plaot- en cd-opnaomes gemak. De verejniging heit z'nne eige concertzaol, 't Cultureel Centrum Èèsjde. Binne de verejniging heit 't versjillende geledingen ongder andere 't hermenieorkest, 't trommel- en klaroenkorps, 't jeugdorkest Les Jeunes, 't oplejjingorkest Les Petits Jeunes en 't muziekensemble Da Capo 2000.

Dirigente

???? - ????	A. Bossy
???? - ????	J. Charlier
???? - ????	P. Gillis
???? - ????	H. Cloos
???? - ????	L. Purnotte
???? - ????	G. Ruyters
1938 - 1946	Artur Renkin
???? - ????	Henri Mestrez
???? - ????	Ch. Bardiau
???? - ????	A. Deverdenne
1950 - 1968	Hubert Vanderweckene
1969 - 1978	Wiel Jacobs
1978 - 1989	Hennie Ramaekers
1989 - 1995	Alex Schillings
1995 - noe	Jan Cober

Externe link