Kenaal (telecommunicatie)
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
'ne Kenaal is in de telecommunicatie e deil van e middel (medium) woreuver infermasjie in de vorm van signale wuèrtj versjik. Euver 't algemeint waere euver 'tzèlfdje middel 'n aantaal aan aafzunjerlike signale tegeliekertied versjik. Hieveur deentj eder signaal 'n unieke eigesjap te bezitte veur zich te kónne óngersjeie van 't angert. Op gróndj van de eigesjappe splits 'nen óntvanger 't samegestèldj signaal in aafzunjelike signale of isoleertj d'r 't gewunsj signaal oet 't samegestèldj signaal. Mit anger wäörd, 'nen óntvanger is aafgestèldj op 'ne bestumdje kenaal. 't Gebroek van kenale levertj 'n efficiënter gebroek van 't middel op.
Radio en tillevies
[bewirk | brón bewèrke]De zender van radio- en tilleviessignale codeertj zie geluids- en of bildsignaal in 'n draaggolf. Veur eder aafzunjerlik signaal haet dees draaggolf 'n specefieke kónstantje frequentie. E signaal wuèrtj mitgesjik door modulatie van de draaggolf. Hieveur is e zeker frequentiebereik rónjelóm de draaggolffrequentie nuèdig. Eder aafgepaoldj frequentiebereik is e kenaal. Doordet eder signaal zien eige draaggolffrequentie haet, kónne mièrder signale zónger meujdje tegeliekertied waere samegeveug in 'tzelfdje middel. Behölpes 'ne bandjdoorlaatfiltjer wovan de frequentie geliek is aan de frequentie van de gewunsjdje draaggolf wuèrtj 't gewunsj signaal geïsoleerdj. De keus van de zender hèngk rechsstreeks same mit de frequentie van de filtjer.