Kazan

Van Wikipedia
Naar navigatie springen Jump to search

Dit artikel is begós in 't Mestreechs. Laes hie wie v'r mit de versjillende saorte Limburgs ómgaon.


Collaasj vaan beziensweerdeghede in Kazan. Me zuut vaan boven nao oonder, links nao rechs: De Spaskajatorie, de Söyembikätorie, de Qol Sjariefmoskee, 't Boerepaleis, de Dreikeuningekathedraol en e panorama vaan de binnestad.

Kazan (Russisch: Каза́нь Kazan', Tataars: Казан Qazan) is 'n stad in Rusland, aon de munding vaan de Kazanka in de Wolga. 't Is de hoofstad vaan de otonoom rippubliek Tatarstan. Mèt 1.143.535 inwoeners bij de volkstèlling vaan 2010 is 't de achste stad vaan 't land en de groetste stad in 'de rippublieke'; alle groeter stei ligke in etnisch Russisch gebeed. Zoeget e daarde vaan gans Tatarstan woent in de stad. Kazan woort in de Törksen tied gestiech, ofwel in de hoeg middeliewe door de aw Bulgare, ofwel in de vieftienden iew door 't Riek vaan de Gouwe Horde. Ivan de Versjrikkeleke vereuverde de stad in 1552; sindsdeen heet ze ummer deil vaan Rusland (en zien opvolgerstaote) oetgemaak. In de stad vint me versjèllende sjoen gebouwe oet diverse tiedperke. Dit maak Kazan 'n belaankrieke toeristische bestumming, veural veur binnelands toerisme. Ouch profileert ziech de stad gere es 'sporthoofstad vaan Rusland'; Kazan is oonder mie speulstad veur de Confederations Cup 2017 en 't Wereldkampioensjap hierevoetbal 2018 in Rusland.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kazan&oldid=423971"