Kaplanturbine

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


Loupwiel van ein Kaplanturbine in 't Walchenseekraftwerk

.

Ein Kaplanturbine is ein saort waterkrachturbine. Same mit de Francisturbine is 't ein vanne belangriekste types reactieturbines. Biej dit type turbine zit 't heel sjoepewiel onger water, de dievendje krach biej dit type zit 'm in 't drökversjil euver de turbine. Net wie biej ein sjtoumturbine.

ontsjtaon vanne Kaplanturbine[bewirk | brontekst bewerken]

De Kaplanturbine is ein doorontwikkeling vanne propellorturbine, dit saort turbine besjtuitj oet eine propellor (vergeliekbaar mit ein sjeepssjroef) die geplaats is in ein verlengde drökpiep. Geweunlik haetj de propellor tösse 3 en 6 blajer. Dit saort propellors is veurzeen van vaste blajer en is gemekkelik te fabricere, daorom zuutj men in ontwikkelingslenj dit saort turbines nog sjteeds toegepas waere. Omdet 't rendement van det saort turbines neet ech good is, en det veural biej minder massadebiet, is de Oosteriekse professor Viktor Kaplan in 1913 begos mit de ontwikkeling van versjtelbaar blajer aan de propellor.

Werking[bewirk | brontekst bewerken]

't Water vanne hoogste kantj (hoogste drök) weurdj door leidsjoepe parallel aanne as oppe blajer vanne propellor, ouch waal loupsjoepe genumpdj geduujdj, daodoor waerdj de sjtruimingsrichting van 't water verangerd en numtj 't water de loupsjoepe mit in häör drejing, daodoor weurdj de kinetische energie ('t drökversjil) die in 't water zitj omgeztj in mechanische energie. Die tegewoordig in väöl lenj es aandrieving weurdj gebroektj om dao eine generator mit aan te drieve en zo witte sjtroum op te wekke.

Waterkrachcentrale Lin[bewirk | brontekst bewerken]

De waterkrachcentrale in Lin, biej de sjtuw inne Maas, maaktj gebroek van Kaplanturbines. In totaal sjtaon dao 4 turbines opgesjteldj die same ongeveer 100 kubieke maeter water per seconde kinne verwerke. 't verval van'ne sjtuw is ongeveer 4 maeter, gezammelik kinne de 4 turbines ongeveer 11,5 Megawatt aan elektrische energie opwekke.

Kiek ouch[bewirk | brontekst bewerken]

Externe links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kaplanturbine&oldid=343177"