Kómzaod
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
Kómzaod is ein woord oet de waereld van de doevemèlkesj, sjpeciaal oet de ómgaeving Zittert-Gelaen. 't Woord sjteit veur zaod dat gebruuk wirt óm de doeve, es ze truk kómme van ein wedvluch, op ’t doevehok te lokke óm ’t rinkske van zien peuëtje te haole en 't dan zoa sjnel wie meugelik in de klok te kriege. Sómmige luuj sjraeke ouch waal van lokzaod.
Allewiel gebeurt ’t registrere elektronisch mèt eine chiprink of combirink óm de poat van de doef, dae biej aankóms ein signaal geuf aan de antenne van de elektronische doeveklok.
Gezègkde
[bewirk | brón bewèrke]- Van luuj die ummer te laat kómme wirt waal gezag: "Gaef 'm get kómzaod, mesjiens dat dat waal hulp".