Kâssels
Dit artikel is gesjreve (of begós) in 't Kâssels. Laes hie wie v'r mit de versjillende saorte Limburgs ómgaon.
't Kâssels (ok wel Câsels geschreve) is 't dialekt dat men ien Kâssele sprèkt. 't Kâssels het de kenmerke van 'n Noerd-Limburgs/Zuud-Gelders dialekt.
Câselse klankliër
[bewirk | brón bewèrke]Câsele lit ten noeërde vàn de Uerdinger Linie, dit zurgt d'rvur dàt Liemburgse wäörde as ich en auch wurre uutgesproake às ik en òk. 'n Andere afwieking van 't Liemburgs is dàt de Liemburgse klanke ei en au veranderd zien nao ieë en oeë. Zoë wurt stein ien 't Câsels stieën en laupe wurt loeëpe. Dit is 'n verschiensel dàt 't Câsels delt mit andere dialekte ien de umgaeving. Ien 't Câsels wurre good en neet as goed en nie gerealisiërd, net às ien 't Nederlands. 't Laote wegvalle vàn de -t ien nie is 'n eigeschap vàn 't Braobants. 't Câsels het de verandering van oe nao uu mitgemaakt. Zoë zet men ien Câsele huus en gèn hoes. Stoeëttoeëne en slieëptoeëne komme allebei vur, mà hebbe gèn betieëkenisonderscheidende functie. Zoë kan iemand ien Câsele daag (slieëptoeën) of daag (stoeëttoeën) zegge en zoëwel 't enkelvoud às 't mieërvoud bedoele.
Câselse grammatica
[bewirk | brón bewèrke]Zelfstendige naamwäörde
[bewirk | brón bewèrke]Lidwäörde
[bewirk | brón bewèrke]Ien 't Câsels kent men drie verschillende geslachte, net às ien 't Liemburgs, en de lidwäörde passe zich daonao aan.
- Mannelikke wäörde hebbe às lidwäörd d'n of de. D'n kumt allieën vur beej mannelikke wäörde die beginne mit 'n b, d, t, h of enne klinker. 't Onbepaalde lidwäörd is enne, of ennen noa b, d, t, h of enne klinker. D'r às mannelik onbepaald lidwäörd bestöt nie.
- Vur vrouwelijke en mieërvoudslidwäörde is d'r allieën ma de en onbepaald 'n.
- Onziejige lidwäörde kenne 't às bepaald en 'n às onbepaald lidäörd. E às bepaald lidwäörd kumt noeit vur.
Dit artikel is e sjtumpke. De kans Wikipedia helpe door 't aan te völle