Johnny van Doorn

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Johnny van Doorn bij 'n veurdrach.

Johnny van Doorn (Beekbergen, 12 november 1944 - Amsterdam, 26 jannewarie 1991) waor 'ne Nederlandsen diechter, sjriever en veurdrachskunsteneer. Heer waor ouch bekind oonder d'n artiestenaom Johnny the Selfkicker en hanteerde daoneve de pseudonieme Electric Jesus, Meester van de Chaos en Electric Goebbels.

Biografie[bewirk | brón bewèrke]

Van Doorn woort gebore in Beekbergen. Zien awwers woende in Arnhem meh waore dao vaandan gevlöch mèt de slaag um Arnhem. In die stad woort heer ouch groet. Heer maakde dao al naom door zien geröchmakende veurdrachte, boe heer zien gediechte in extase veurlaos. Wie mie diechters vaan zien generatie braok heer door in 1966 naotot heer door Simon Vinkenoog nao 'ne poëzieaovend in Carré woort gehaold. Ouch dao veel heer op door zien extatische, choquerende prizzentatie, boe 't pebliek häöm veur oetfloot. Datzelfde jaor versjeen zie debuut Een nieuwe mongool. D'n opvolger Een heilige huichelaar kaom in 1968 oet.

De res vaan zie leve heel Van Doorn ziech minder mèt poëzie en veurdrachskuns bezeg en góng heer korte verhaole sjrieve. Ouch deeg heer tv-werk veur 't program Herenleed. Johnny van Doorn storf begin 1991 aon kaanker.

Werk en stijl[bewirk | brón bewèrke]

Van Doorn zien poëzie is dionysisch: ze zijn in vrij veers gesjreve en vertèlle in hoeg tempo e verhaol wat vaan associatisch aonein hingk. De inhaajd en woordkeus zien dèks op sjokeffek geriech: de gediechte bevatte väöl sjamptaol en goon dèks euver seks of drugsgebruuk. Titels wie "Komtocheensklaarklootzak" - eint vaan zien bekindste gediechte - typere zie werk.

Zien veurdrachte deeg heer gemeinelek oonder invlood vaan drugs, dèks wèld sjriewentere en houwentere mèt zien han, oonder de zweit, en ze oontaardde gemeinelek in 'n oongecontroleerd gekeeks en gedeuns. Soms mós heer vaan 't podium weure gesleep.

Poëzie[bewirk | brón bewèrke]

  • Een nieuwe mongool (1966)
  • Een heilige huichelaar (1968)
  • Verzamelde gedichten (1994)

Proza[bewirk | brón bewèrke]

  • Mijn kleine hersentjes (1972)
  • De geest moet waaien (1977)
  • Gevecht tegen het zuur (1984)
  • Langzame wals (1986)
  • Door de weken heen: dagboeken (1988)
  • De lieve vrede: legendarische momenten 1944-1990 (1990)

Ierbetuin[bewirk | brón bewèrke]

De stad Arnhem duipde e deil vaan 't Velperplein um tot Johnny van Doorn-plein. 't Plein ligk veur d'n awwe Vroom boe Van Doorn zien ierste opebaar veurdrachte heel. 't Literatuurfetsival Wintertuin reikde vaan 1993 tot 2012 de Johnny van Doornpries oet aon 'ne veurdrachskunsteneer.

Bron[bewirk | brón bewèrke]

Dit artikel is gebaseerd op 't corresponderend Nederlandstaoleg artikel, en wel in dees versie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Johnny_van_Doorn&oldid=434472"