John Steijns

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


John Steijns is 'ne zelfstandegen oondernömmer, polletieker en allewijl is heer de fractieveurzitter vaan de Seniore Partij Mestreech ("Senioren Partij Maastricht", SPM).

Oonder Steijns zien leiing woort de SPM de groetste polletieke partij binne de Gemeinteraod vaan Mestreech, mèt vief vaan de 39 zedele. Zoewie hei-oet wel bliek, is de Gemeinteraod vaan Mestreech opvallend gepolariseerd. Vief vaan de 39 zedele zawwe dus wieneg zien in de meiste gemeintes, mer in Mestreech anno 2021 zien dat d'rs väöl.

Door de versplintering heet Mestreech te make mèt 'n coalitie oonder Steijns vaan zès polletiek partije: Steijns zien eige SPM löp veurop, mèt daonao vaan klein nao groet 't CDA, GreunLinks, D66, VVD en SP: 26 vaan de 39 zedele. Eder partij moch 'ne wèthawwer lievere. Dee wèrk daan fulltime veur de gemeinte. Veur de SPM waor dat Jim Janssen, dee wèthawwer Organisatie, Sociaal Zake, Awwerebeleid en Cultuur woort.

Mer 't polletiek landsjap veraanderde in miert 2021. Jim Janssen mós per direk opstappe door de "decleratie-affaire", boe-oet oonder aander bleek tot Janssen de euveraore goodkäör vaan interem-direktäör Sociaal Domein Henk Dekkers zoonder dat riechteg te communicere nao 't Kolleesj touw, dee daodoor 241.000 euro eleveerde veur zès maonde werk.

Steijns zag gesjrokke te zien door de affaire en belaofde e radicaol aander geluid te prizzentere. Dat woort Frans Bastiaens, dee ieder aktief waor bij PvdA Mestreech. Steijns: "Zien drif en zienen dörf um op gans meneer te laore nao zake, versterk eus euvertuiging tot Frans de zjuste persoen is um binne 't Mestreechs kolleesj op kloke en collegiaol meneer aon de geng te gaon mèt groete oetdaginge boe Mestreech de kommende jaore mèt te make heet.

Extern linke[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=John_Steijns&oldid=451620"