Jan Nolten

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

Jan Nolten (Zitterd, 20 jannewarie 1930- Gelaen, 13 juli 2014) is ènne veurmalige Nederlandse fitserenner.

Hae toande zich es debutant in de Tour de France van 1952 ènne begenadigde klömmer en hae waas de ènnige in die runje veur wae de groate Fausto Coppi, de oeteindeleke winnaer, hièl erg beduch is gewaes. Biej väöl ouwer wielerleefhöbbers hingk nog de radio-oetzending van Jan Cottaar in 't geheuge van 't moment dat Coppi de ver veuroet gelaege Jan Nolten op de flanke van de Puy de Dôme nog net veur de finish inhaolde. Toch haet 'r de toarehoag verwachtinge later noajt gans kènne inlosse, mede es gevolg van ein auto-óngelök opgeloupe es vrachwagechauffeur, ein baantje dat hae in de wèntjer d'r naeve deeg.

Jan Nolten is op 13 juli 2014 gesjtórve in 't ziekehoes in Gelaen aan de gevolge van ein hersjebloojing.

Belangriekste euverwinninge

1952

12e etappe in de Tour de France

1953

8e etappe in de Tour de France

1956

12e etappe in de Giro d'Italia

Tourdeilnames

Runj van Frankriek 1952 - 15e; winnaer 12e etappe, Sestrières-Monaco, 195 km
Runj van Frankriek 1953 - 19e; winnaer 8e etappe, Nantes-Bordeaux, 345 km
Runj van Frankriek 1954 - 14e
Runj van Frankriek 1955 - 21e
Runj van Frankriek 1956 - 28e