Isoglos

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


'n Isoglos is de grens vaan e gebeed boe-in e zeker taolversjijnsel veurkump. 't Geit veural um klein, systematische dialektische versjèlle die es grenze door groeter taolgebede heen loupe. Dèks is 'n isoglos 'n oetspraakversjèl vaan sommege klaanke, wat ziech beperk tot vaste posities (woordklasse).

Dialekte weure op grond vaan isoglosse opgedeild. Es dialekgrens weurt 'ne isoglossebundel genome. Dit zien e paar isoglosse die op dezelfde plaots of gans kort bie-ein loupe.

Bij de belaankriekste taolkinmerke zien miestal wel isoglosse te trèkke, meh bij kleiner eigehede moot me dèks constatere tot 't trèkke vaan 'n grens gei rech deit aon de taol-eilande die op de dialek-kaart versjijne.

Belaankrieke isoglosse in 't Limburgs taolgebeed zien de stoettoen-sleiptoenlijn, de Uerdinger Linie, de Panninger Seitenlinie, de Panninger Linie en de Benrather Linie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Isoglos&oldid=343677"