Bekiek brón van Ingeland

{{dialek|Mestreechs}}
[[Plaetje:Flag of England.svg|right|thumb|Vlag vaan Ingeland]]
'''Ingeland''' ([[Ingels]]: '''England''') is ei vaan de veer staote boe-oet 't [[Vereineg Keuninkriek]] (VK) is opgebouwd. Op force vaan de wèt in 't VK, is Ingeland e volweerdeg [[land]]. Boete 't VK erkènd evels geinen inkele staot dees regio es zoedaoneg. 't Is e keuninkriek mèt keuningin [[Elizabeth II vaan Groet-Brittannië|Elizabeth II]] aon 't hoof. In 't noorde grens 't aon [[Sjotland]], in 't weste aon [[Wales]]. Vaan de landsdeile is Ingeland mèt 130.395 [[km²]] 't groetste en mèt 49,1 miljoen inwoeners is de bevolking zelfs wiedoet de groetste. De hoofstad vaan 't Vereineg Keuninkriek, [[Londe]], ligk in dit landsdeil en de mach en cultuur is vaanajds hei gecentreerd; de ander landsdeile zien [[Kelte|Keltische]] len die door de Ingelse door de jaore eweg geannexeerd zien. Daorum vint me 't neet nudeg Ingeland 'n eige regering en parlemint te geve, wie dat in de ander deilstaote wel 't geval is.

De naom ''Ingeland'' beteikent ''land vaan de [[Angele]]'', boemèt de [[Angelsakse]] bedoeld weure: zuug oonder [[Ingeland#Historie|Historie]]. In 't daogeleks spraokgebruuk weurt d'n tèrm ''Ingeland'' dèks gebruuk veur 't gans Vereineg Keuninkriek.

== Bestuurleke indeiling ==
Ingeland is ingedeild in eineg tientalle [[county|graofsjappe]], die dèks nog oet d'n Angelsaksischen tied stamme.
{{hoofartikel|Lies vaan graofsjappe in Ingeland}}

== Historie ==
Roond 2000 [[veur Christus]] immigreerde de [[Megalietebouwers]] in Ingeland, die dao oonder aander dinger 't beroemp [[Stonehenge]] achterlete. Ze woorte roond 500 veur Christus verdreve door de Kelte, die ziechzelf Britonne gónge neume; daovaan kump daan ouch de naom ''Brittannia''. Oonder [[keizer]] [[Claudius (keizer)|Claudius]] lökden 't de [[Roemeine]] 't zuidelek deil vaan 't eiland te vereuvere. Wienie in de [[vijfde iew]] de Roemeine verdreve woorte naome Keltische hiere de mach weer euver. Legendarisch woort [[keuning Arthur]], vaan wee de faam ziech door [[sage]]s en [[legende]]s euver gans [[Europa]] verspreide.

Al gaw evels vele [[Germane|Germaanse]] stamme 't eiland binne: de [[Angele]], de [[Sakse (volk)|Sakse]] en de [[Jutte]], die lankzaamaon ummer wijer nao 't noorde en weste opsjove, dewijl 't noordelek deil vaan 't eiland door Kelte oet Ierland binnegevalle woort: dao stiechte ze 't later Sjotland. Roond de [[achste iew]] waore de meiste Germaanse riekskes tot ei keuninkriek samegesteld; daan evels vele de [[Vikinge]] oet Denemarke binne, mèt wee de Angelsakse aon 'ne machstrijd begóste die oeteindelek indegde in e houwelek tösse de twie vorstehoezer.

In [[1066]] lökden 't de Noormanne toch gaans Ingeland te vereuvere: deeskier kaome ze oet [[Normandië]], boe ze al e paar iewe leefde en volkoume verfrans waore. [[Willem de Vereuvereer]] woort keuning vaan Ingeland en is de stamvajer vaan de modern Britse [[dynastie]]. Vaanaof hei begint me de keuninge vaan Ingeland te telle. De Normandische vereuvereers zouwe de cultuur vaan Ingeland ingriepend goon beïnvleuje: get daovaan is te zien in de modern [[Ingels]]e taol, die veur zoe'n 40% oet Aajdfranse lienwäörd besteit.

Vaanaof dat memint veurde Ingeland 'n expansionistische polletiek: vaan de [[elfde iew]] tot de [[zestiende iew]] vereuverden 't [[Ierland]], in d'n [[daartiende iew]] woort Wales geannexeerd ( de kroenprins vaan Ingeland hètde vaanaof daan "[[Prins vaan Wales]]"), en tege [[Frankriek]] (zuug [[Hoonderdjaoregen Oorlog]]) en [[Sjotland]] veurde me aondorend [[campanje]]s. In [[1543]] woort Wales formeel bij Ingeland getrokke en in [[1707]] woorte Ingeland en Sjotland tot ei keuninkriek vereineg; zuug veur de historie wijer oonder [[Vereineg Keuninkriek]].

[[Categorie:Vereinig Keuninkriek]]