Hugo Luijten

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Hugo Luijten
Achtergrondjinfermasie
Volledige naam Hugo Theodoor Agnes Matheus Luijten
Gebore Nieuwstadt
11 november 1969
Beroep(e) Sjriever

Hugo Theodoor Agnes Matheus Luijten (Nuujsjtad, 11 november 1969) is eine Belsj-Nederlandse sjriever, columnis en historicus.

Loupbaan[bewirk | brón bewèrke]

Luijten begós zien carrière in 't óngerwies. Sinds 2016 is t’r fulltime sjriever. Hae publiceert geregeld euver gesjiedenis, óngerwies, heemkunde en dialekte in vakblajer en tiedsjrifte. Ouch sjrief t‘r columns en opinieartikele veur De Morgen en Dagblad de Limburger.[1] Veur de lètste versjiene al veer jaor columnseries euver zien belaevenisse mit de vastelaovend, ónger angere róndj motto's es Vers van de Belsj of Met carnaval mag alles.

In 2015 debuteerde hae mit de verhaolenbundel Baby C euver zien zeunke det mit ein sjtofwisselingsziekte gebaore waerde. In feertig verhaole sjets t’r ein einerzijds humoristies en angerzijds teder beeld van eine vader dae tösse de wanhoup door, sjmult in leefde veur ziene zoon. Ein aantal van die sjtökke versjeen op de website van de VKS, de Vereiniging veur Kienjer mit Sjtofwisselingsziektes.[2]

't Romandebuut van Luijten volgde in 2017 bie Overamstel Uitgevers[3], mit de oorlogsroman Offer voor een verloren zaak. De roman geit euver eine Duitse soldaot, dae in augustus 1914 de probleme in zien gebaortedörp wilt ontloupe door nao 't front te vluchte. 't verhaol is gedeiltelik gebaseerd op waorgebeurde feite oet de femiliegesjiedenis van Luijten zelf, dae ontdekde det eine veurvader in 1914 sjneuvelde in Duitse legerdeens. Det ’t verhaol vanoet Duits sjtandpunt besjreve is, waerd door recensente es ein óngebroekelik, mer boeiend perspectief ómsjreve.[4][5]

In 2018 versjeen ziene eerste thriller ‘Verast’ biej oetgaeverie Lannoo. ‘t verhaol geit euver eine uitgeblusde commissaris, dae nao ein aantal versjrikkelikke aansjlaeg in Antwerpe vertwiefeldj achter de daders aanjeugt. ‘Verast’ waerde zónger oetzunjeringe mèt hoge waarderinge óntvange door prestigieuze laezersplatforms wie Thrillerboek.nl, Hebban.nl, Thrillersandmore.com, Thrillzone.nl, etc. Veural de herkinbaarheid en de zeer realistische schriefsjtiel waerde gepreze. [6][7][8][9]

Citaat thrillerboek.nl: ‘Des se mèt klassieke – en enigszins oetgekauwde – ingrediënte toch ein boeiend en sjpannend verhaol kins sjrieve, bewiestje Luijten mèt ‘Verast’. Zo is dao Cools, eine ongehoebelde, cynische commissaris dae veural ziene eige zin doordrief en euveral mèt eweg liekt te kómme, mer toch een klein hertje haet. Wieväöl thrillers gaon neet oet van zó’n karakter? En toch veult det personage aan wie een verfrissend nuuj karakter.’

In 2019 versjientj ’t vervolg op ‘Verast’ mèt ‘De Brexitmoorden’, wo-in commissaris Cools de moord op eine assistent van ein Europarlementslid mót oplosse, terwijl de oeterst complexe brexitonderhanjelinge de spanning opzjwepe. Mysterieuze taegenkantjing van hogerhandj wiest op ein doufpotoperatie

Referensies[bewirk | brón bewèrke]

  1. Columnserie van Hugo Luijten in Dagblad de Limburger
  2. Verhaal uit Baby C op de website van VKSr
  3. Auteurspagina Overamstel Uitgevers
  4. | De waanzin van de oorlog
  5. Een Duits Perspectief
  6. Thrillerboek.nl
  7. Hebban.nl
  8. Thrillersandmore.com
  9. Thrillerzone.nl
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hugo_Luijten&oldid=433355"