Hotel

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


'n Hotel is 'n plaats wo emes kan euvernachte taenge betaling. d'r Zeen versjillende saorte hotels, wie e motel en e verbliefshotel.

'n Motel is 'n hotel langs de kantj van de waeg ("moter-hotel"), gesjik veur automobiliste die meistes op de doorwaeg zeen. Men verblief dao meistes mer ein nach. Weinig infrastructuur is dao veur de invölling van de vriejen tied.

E verbliefshotel is 'n hotel bie 'n bezeenwaerdigheid (wie e strandj) wo väöl infrastructuur is veur de vriejentiedsinvölling (wie e zjwumbad, 'n sauna, tennis enz.) Me verblief dao döks veur 'n waek of langer.

Wen men in 'n hotel verblief, kan men allein e bèd höbbe, e bèd mit frusjtuuk (kamer mit fruusjtuuk), halfpensión (K+O + aovendjaete), vólpensión (kamer + drie maoltieje) of all inclusive (e vólpensión mit drank en anger faciliteite en deenste).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hotel&oldid=396506"