Strabach
Dit artikel is gesjreve (of begós) in 't Houtems. Laes hie wie v'r mit de versjillende saorte Limburgs ómgaon.
't Good Strabach, hoes Sjtraobaek of de Sjtraobaekerhaof is gelaege in Sjtraobaek, gemeinte Valkeberg in Nederlands Limburg. 't Is 'ne gesjlote haof, woavan de oaskant oetgeboewd is tot hièrehoes.
Boewhistorie
[bewirk | brón bewèrke]Waarsjienlik is Strabach noats 'n versjterk hoes gewaes. Op de kadastraal kaart oet 1825 zeen v'r 'ne gesjlaote haof. 't Hièrehoes sjtamp oet de 19e ièw, mesjiens in 1838 verboewd, meh de kern zou 'n paar hónderd jaor ouwer zin. Rónd 1855 is t'r 'n nuuj hoes geboewd naeve de pachtersweuning, die ouch 19e ièws is. De sjuur daonaeve is 18e ièws. Alle euverige, allemaol in mergel opgetrokke, geboewe zint oet 1838.
Beweunersj
[bewirk | brón bewèrke]In de 1e hèlf van de 14e ièw sjtaon inkómste geneump van ziene haof in Strobeke van 'ne zekere Arnold van Berghe. In dezelfde ièw kómme lede van de familie Van Strabach ter sjpraoke. In 1445 is d'r 'ne ridder Jan van Strabach sjaepe van Houtem. In 1452 weurt in 'n archiefsjtök Hendrik van Strabach geneump. Op 't ing van de 16e ièw is 't good nog ummer in heng van die familie Strabach. Diederik van Strabach trouwt dan mèt Anna van Sjtriethage, dochter van de sjtadhouwer en voog van Valkeberg. De kleindochter, Maria, erf Strabach. Zie verköp de pachhaof in 1651 aan de vrouw van Goswin Wijnands, raodshièr bie de Hoage Raod in Braobant. 't Hoes vererf in 1662 aan de familie Graven, die 't in 1786 verköp aan Isaac Collard, griffier van Valkeberg. In 1798 gölt Balthasar Janssen Strabach. Zien kleindochter Félicité Thonnart trouwt in 1838 mèt Mathias Schoenmaeckers, notaris in Valkeberg en eigenaer van 't Subberhuuske in Sub. 't Echpaar verboewt 't good terwiel 't zelf örges andersj woont. Hun naokómmelinge verkoupe Strabach. In 1979 volg d'r 'n verboewing van Hoes Strabach tot restaureant. De haof weurt in 2007 verboewd tot appartemente.