Hoes Eyll
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Hoes Eyll, ouch wel Croonenhof geneump, is 'n landhoes in de Mestreechse wiek Hier. Dit groetendeils achtienden iews hoes is sinds 1956 'n rieksmonumint, zjus wie de bijbehurende Hoeve de Croon. Bezunder in 't interieur zien de stucwerkdecoraties vaan Petrus Nicolaas Gagini.
Historie
[bewirk | brón bewèrke]Oersprunkelek hètde 't hoes Croonenhof. In 1570 waor 't in bezit vaan Dionysius Sutendael, dee in 1584 börgemeister vaan Mestreech woort. De huidege naom kump vaan de femilie van Eyll, die 't hoes eind 17e iew in bezit kraog. Kanunnik Alard Jan Joseph van Eyll leet 't hoes 'nen iew later verfraaien met een nuie väörgievel en stucwerkdecoraties in 't interieur. 't Hoes veranderde versjèllende kiere vaan eigeneer. In 1952 koum 't in bezit vaan ir. C. Darley, dee 't leet aonpasse aon de eise vaan d'n tied. Zoe woort in 1955 'ne smallen dweersvleugel aon 't hoes towgeveug.
De landerije bij 't hoes woorte in d'n twintigsten iew groetendeils bebouwd, veur 't lèts in de jaore '80 wie de wiek Eyldergaard gebouwd woort op 'n deil vaan de boongerd. In 1980 woort 't hoes aongekoch door 't riek en nao restauratie gebruuk es ambswoening vaan de Commissaris vaan de Keuning(in) (de Gouverneur). Later woort 't hoes weer privé bewoend.
Bronne
[bewirk | brón bewèrke]- Deils euvergenómme vaan de NL wiki.
- Agt, J.F. van, Zuid-Limburg uitgezonderd Maastricht (pp.223-224). Den Haag, 1962 (online teks)