Hergenrath

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Detail glaas-in-loeëd-raam in de Eyneburg

Hergenrath is 'n dörp in de gemèngde Kelmis in de Duutsjtalige Gemeensjap. De Martinus-kapel wert in 1441 al vermeld.

Sjtatie Hergenrath[bewirk | brontekst bewerken]

De Hammerbrücke över 't Geuldal is va 1840. De sjpoorbrögk is 500 meter laank en 52 meter hoeëg. 'n Nuuj versie is geboewd um d'r TGV te laote passere. Nao vieftig jaor sjluting is op 9 december 2007 de sjtatie wer geäöpend. In 10 minute is me in Aoke, in 45 minute in Luuk. [1]

Eyneburg[bewirk | brontekst bewerken]

Op 'n huuëgde liegkt de middelieëwse Eyneburg of Emmaburg die nao 'ne braand in 1648 wer opgeboewd is. An 't èng van d'r 19de ieëw waoërd 't kesjtieël gerestaureerd. In 't geboew is Aokense blowwe sjtèè verwèrkd. 't Is èng van de wènnig burchte in 't hertogdom Limburg die op 'n huuëgde geboewd waoërte.

Decor sjpäölfilm[bewirk | brontekst bewerken]

Detail glaas-in-loeëd-raam in de kapel van Eyneburg

De Eyneburg waor in oktober 2007 't decor van d'r Fraanse - Belsj - Luxemburgse sjpäölfilm Les enfants de Timpelbach, gebaseerd op 't keenderbook Timpeltill. Die Stadt ohne Eltern van d'r Duutsje sjriever Henry Winterfeld oet 1937 [2] dat op Fraanse sjoeële hieël populair is. Carole Bouquet en Gérard Depardieu sjpäöle hoofdrolle. [3] D'r film wert op 17 december 2008 gelanceerd.

Extern leenke[bewirk | brontekst bewerken]

Referentie[bewirk | brontekst bewerken]

  1. http://www.trois-frontieres.be/N/bienvenue.php
  2. http://www.wort.lu/articles/6056423.html
  3. http://french.imdb.com/title/tt0953382/
Commons
In de categorie Hergenrath van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Hergenrath&oldid=340554"