Hellevoetsluis

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Hellevoetsluis in Zuid-Holland

Hellevoetsluis is 'n plaots en veurmaolege gemeinte in de Nederlandse provincie Zuid-Holland, op 't eiland Voorne-Putten, aon 't Haringvliet, mèt op 1 januari 2006 40.027 inwoeners en 'n oppervlak vaan 46,11 km2 (daovaan 14,22 km2 water). Neve de stad Hellevoetsluis ligke ouch de dörper Nieuwenhoorn en Nieuw-Helvoet.

Stadsfuncties[bewirk | brón bewèrke]

Hellevoetsluis is veural 'n forenzestad veur Rotterdam, neet in 't mins veur havewèrkers. Umtot de plaots neet direk kortbij 't Rotterdams woengebeed ligk en de ierste generatie vaan arbeiders-euverluipers al mèt pensioen is functioneert de stad evels noe zelf ouch es besjeie verzörgingscentrum veur in eder geval gans Voorne-Putten.

Stadsgeziech[bewirk | brón bewèrke]

Windmeule De Hoop

Door de kleinen umvaank in 't verleie en verweustinge in d'n Twiede Wereldoorlog heet Hellevoetsluis weineg monuminte. Vaan de aw vestingwerke is nog oonder mie Fort Haerlem euver. Ouch intersant is de windmeule De Hoop oet 1801. 'n Aajd druugdok is allewijl es museum ingeriech.

Historie[bewirk | brón bewèrke]

Bij de Helvoetse sluus woort in de zeventiende iew 'n vesting aongelag, die veural bedoeld waor es verdeidegingswerk tege vaanaof zie oprökkende legers. Dit fort greujde lankzaamaon oet tot de Nederlandse marinebasis en 't pläötske greujde naovenant. In de negentiende iew evels raakden 't in verval, zeker wie de marineresidentie in de jaore daarteg vaan die iew nao Den Helder verplaots woort. Mèt 't graove vaan 't Kanaal door Voorne in 1830 kraog de plaots 'ne waterweeg nao Rotterdam debij.

Externe links[bewirk | brón bewèrke]

Commons: Category:Hellevoetsluis – Media gerelateerd aan dit óngerwerp
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hellevoetsluis&oldid=458191"