Hayabusa (ruimtesonde)

Van Wikipedia
Gank nao: navigatie, zeuke
Artiesteweergave vaan Hayabusa dee "land" op de asteroïde Itokawa

Hayabusa (はやぶさ) (lètterlek slechvalk) is de naom vaan 'n ruimtesonde en -missie vaan de Japanse ruimteorganisatie JAXA. 't Doel vaan de missie waor um 'n asteroïde (25143 Itokawa) te bezeuke, en e moonster vaan 't oppervlak te numme en dit moonster trök nao Eerd te bringe. De sonde woort op 9 mei 2003 gelanceerd en bereikde Itokawa in september 2005. Dao woort iers de asteroïde oetgebreid bestudeerd. In november 2005 woort kontak mèt de asteroïde gemaak um e moonster te numme, mer dit mislökde. Zier woersjijnlek zien evels toch stöbdeilkes vaan de asteroïde in de kamer terech gekoume, dus die is verzegeld. Verwach woort tot de sonde op 13 juni 2010 op Eerd zouw trökkoume. Dit is oetindelek ouch gelök en de kamer mèt 't moonster liek veileg geland te zien[1]. De landingsplaots waor 't aofgelege Woomera, in Australië.

Hayabusa re-entry gefilmp door 'ne camera aon boord vaan NASA's DC-8 Airborne Laboratory. De gleujende capsule is te zien aon de veurkant en oonder de groete Hayabusa sonde die oeterein vèlt. Full-size high-bitrate video hei te zien (details)

De missie kós väöl probleme (zoe waor 't neet dudelek of de sonde wel kontak had gemaak mèt Itokawa en vele de voorstuwingsmotors op de trökreis oet), mer de missie liek geslaag en daan is 't d'n ierste kier tot asteroïdemateriaol op de Eerd gebrach woort veur oonderzeuk.

Referenties[bewirk | brontekst bewerken]

  1. Jeremy Laurence (June 14, 2010). "Japanese space probe finds unique asteroid dust". 
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Hayabusa_(ruimtesonde)&oldid=342669"