Haafvaste

Van Wikipedia
(Doorverweze van Haufvaste)
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Haafvaste (Latien: Laetare) is de naom veur de veerde zoondag nao Asselegoonsdag. 't Kin valle tösse 1 miert en 4 aprèl. De naom verwijs nao 't momint in de vastetied tot de fiesdaag plaotsvint: mèt Haafvaste is 22 daog gevas en koume nog 18 vastedaog tot Paose. De Latiense naom Laetare kump vaan 't Gregoriaans gezaank Laetare Jerusalem ("Verhäög Uuch Jeruzalem", Jesaja 66:10), wat in de Roemse en Anglicaonse mès op deen daag es introïtus deent.

Vaanaajds waor 't in de kèrk gebrukelek tot op dezen daag woort gepreek euver 't merakel vaan de broejer. Soms ligk 't altaar op deen daag vol mèt blomme. Zjus wie op de aander zoondaog weurt mèt Haafvaste traditioneel neet gevas. In Belsj Limbörg is dit 'ne geleefden daag veur carnaval te viere; in Nederlands Limbörg deit me dat veural es mèt de vastelaovend de stoet neet kin doorgoon.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Haafvaste&oldid=342467"