Harry & de Gebroeëke Zwiêgelkes

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Wieërts. Laes hie wie v'r mit de versjillende saorte Limburgs ómgaon.


Harry & de Gebroeëke Zwiêgelkes is 'n fieësband uut Wieërt. Harry & de Gebroeëke Zwiêgelkes zeen ontstânge in 1995. Eur ieërste optraeje woor op ’t 11-jaorig bestaon van VV de Flodderbôkse op ’t “Fieëst van de Lange Aom”. Waat eigelek vör de gekke jen begos krieeg gelieék ‘t vervôlg. Neet lang daonao spuueldje H & de GZ in Kuffee de Hermeni-j. De bezetting van de beginjaore woor als volgtj: Harry Zelluff (Rewalt Tobben), Joerik Bouwels (Jos van Dooren), Cor Ravenna (Jan van Dooren), Preens van de Verkusnejjers (Hans van Hoef), Väöske Ongersteur (Jos Hendriks).

Nao ’t optraeje beej de Wiepkes en beej ’t doeerbieterstoernooi ging ’t snêl met H & de GZ. Ieerste woor d’r nog ’t legendarische optraeje op vastenaovendjzaoterdig beej Hotel Verstraete. De minse hinge met de bein boete en ’t woor ’t fantastisch fieest. De ieerste cd “Woee es mien beer” lêet dan auch neet lang op zich wachte.

Daonao woor ’t jaore lang te doon in de Poort van Limburg op vastenaovendjzaoterdig. Samen met “De Dorstvlieegels” (stichting Toosje) woort d’r ’t Miss Harry-verkezing georganisieerdj. De miss Harry mocht oeevernacht beej Hostellerie M’tten (toen nog l’Auberge) en oeëpendje de volgendje daag de optocht.

H & de GZ blieëve noow dinger doon en zoeë spuueldje ze op “de Gulden Humor” in Hoensbroek vör ’t breid Limburgs publiek. Twiee bösse met Fenks kwome mej nao Kasteel Hoensbroek. In 1998 kwoom d’r ’t cd-singel u’t met als titel: “Dao stieëte toch”. De optraejes blêeve beej maximaal 3 kieer per jaor en d’r woort gespuueldj op ’t doeerbieterstoernooi, vastenaovendjzaoterdig, op Schoor same met Plat Wieers. In 2000 goof de toenmalige drummer “de Preens van de verkusnejjers” aan d’r mej te wille stoppe. Zien plaats woort ingenoeeme doeer Trevor Nuyten. In det jaor woort ouch de 3e Laajf-cd “Woee” opgenoeeme. In de jaore daonao spuueldje H & de GZ regelmaotig in de regio, van Rooy tot Hunsel, van Ni-j Wieert tot Ittervoort.

Ein van de hoeégtepunte woor ’t optraeje vör 5000 minse tieëdes ’t OLS op Bosseve same met Rowwen Hèze. Ouch woor H & de GZ presênt op ’t 6x11-jaorig bestaon van VV de Rogstaekers. In 2003 brachte H & de GZ eur veurluipig leste Laajf-cd ’t “Vuuer eur naas”. Aansloeetendj goof Väöske Ongersteur aan te wille stoppe. Ben Penders (opticien Heytse) kwoom d’r beej en same met Väöske Ongersteur werkdje ze nog same mej aan de cd woeenao Väöske ’t stekse overdrôog aan Ben Penders. Tot de daag van vandaag spuuele H & de GZ neet mieer as ’n kieer of drei pur jaor. De leste optraejes waere H & de GZ vergezeldj doeer saxofonist Djek van Tetteroode.

Externe link[bewirk | brón bewèrke]