Hammurabi

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Väöl gelierde dinke dat dit hoof vaan dioriet keuning Hammurabi veursteld

Hammurabi (ouch gesjreve es Ammurapi, Hammurapi, of Khammurabi) waor keuning vaan Babylon vaan oongeveer 1792 - 1750 v. Chr., gebore roond 1810 v. Chr. In 1763 v. Chr. versloog heer Rim-Sin, de lèste vors vaan Larsa in Soemer en vereinigde zoe 't land tot 't Babylonisch Riek. Heer weurt waorsjeinlik es Amrafel in de biebel genump. Heer is bekind um de codifecering vaan de wèt. Allewel väöl vaan zien wètgeving trök geit op iedere Soemerische wètte, is zien versie euver 't algemein hèller en strenger.

De Wèt of Codex Hammurabi betref e breid spectrum vaan oonderwerpe, zoewie lanbow en vieteelt, deefstal, moord, doedslaag, liefelek letsel, sjaoj aon gooj, huwelekrechte, de pesitie vaan de vrow en vaan 't keend. D'r zien 282 wètte gesjreve op 'ne stela vaan obsidiaan dee bijnao dreij meter laank is. Deze stela woort in 1901 oontdek en is noe tentoengesteld in 't Louvre in Paries.

Hammurabi deeg ouch ander dinger um Babylon 'n beter plèk te make, zoewie 't verbetere vaan de meneer vaan irregatie.

Toen de opvolgers vaan Hammurabi aon de mach kaome, begos 't Babylonische Riek in te storte door militaire drök vaan de Hettiete, geleijd door hunne keuning Mursilis I. 't waore echter de Kassiete, geleijd door hunne keuning Agumkakrine, die oeteindelek euver Babylon zouwe heerse. Oondaanks väöl rebellerende steijer regeerde de Kassiete veur 400 jaor, en ze heelde de Codex Hammurabi in iere.

Referenties[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hammurabi&oldid=442707"