Haan (Duutsland)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan 't stedsje in de krink en in Noordrien-Wesfale

Haan is e Nederbergs stedsje in de krink (Kreis) Kreis Mettmann, te Noordrien-Wesfale (Duitsland). Mèt häör 24,19 km² en 29.985 inwoeners (2014) heet 't 'n bevolkingsdeechte vaan 1240 de veerkante kilometer.

't Op 160 meter hoegte ligkende pläötske is te klein um stadsdistrikte te höbbe, mer 't gief dao wel 11 stadsdeile.

't Stedsje kraog in 1936 e waope touwgekind, vaan zèlver, beloaje mèt 'n zwarte Bergse krejjer. De krejjer waor 't symbool veur de vechtlustige instèlling vaan 't Bergs volk.

• 
  Aw Merret mèt ziech op de kleine springbrónne
• 
  't Waope vaan Haan mèt 'n Bergse krejjer