Häörepaerd
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
'n Häörepaerd (sóms ouch heurepeerd) is 'ne Limburgse sjelnaam veur ’n dóm emes, 'ne sjtómmerik dae weer èns wat sjtóms haet oetgehaold.
Herkóms
[bewirk | brón bewèrke]In vreuger tieje dege klein, erm buurkes die zich gein paerd koosjte veroarlaove 'ne os of ’n kooj veur de ploog sjpanne. Dit woort door de ómgaeving es 'n ech teike van ermooj gezeen. Doordat de os en de kooj häöres op hunne kop hèje, is daomit de naam häörepaerd óntsjtaon. Aangezeen dit ein nogal sjtóm gezich waas gónge de luuj later de naam häörepaerd es sjelnaam gebruke veur emes dae veur stjómmerik woort oetgemaak.
Gezègkde
[bewirk | brón bewèrke]- Wat bes dich toch ein häörepaerd – Nederlands: Wat ben jij toch een stommerik.