Hasselt

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Hessels, es te dit dialek sjpriks.

---

Stad Hasselt
Geografie
Gewês	Vlaondere
Provinse	Limburg
Arrendissement	Hasselt
Geografische coördinate	50°55' N.B. 5°20' O.L.
Oppervlak	102,24 km²
Bevolkeng (Bron : NIS)
Inwoener (01/01/2009)	73.067
Mansluj Vrouwluj	35.766 (48,95%) 37.301 (51,05%)
Dichtheid	680,15/km²

Hasselt is de hoofstad vaan Belsj Limburg. 't Groondgebeed bedreug 102,24 km² en op 1 jannewarie 2009 woende hei 73.067 lui. Deilgemeintes (mèt hunnen Nederlandse naom) zien Hasselt, Kermt, Kuringen, Sint-Lambrechts-Herk of Moos-Herk, Spalbeek, Stevoort, Stokrooie en Wimmertingen. Börgemeister is Hilde Claes, dochter vaan Willy Claes (vreugere secretaris-generaal vaan de NAVO) vaan de sp.a. 't Dialek vaan Hasselt (Hessels) behuurt tot de Weslimburgse dialekgróp.

D'n Demer struimp door Hasselt.

Historie

Hasselt in t jaór 1740

Hendrik van Veldeke

De stad kaom tot oontwikkeling aon d'n handelsweeg vaan Brögke via Diest en Mestreech nao Kölle en kraog häör stadsrechte in 1232 vaan graof Arnold IV vaan Loeën. Hasselt oontwikkelde ziech tot 't administratief centrum vaan dit graofsjap, det in 1361 toeveel aon 't prinsbisdóm Luuk. In 1830 woort Hasselt de houfstad vaan Bels Limbörg, allewel de stad ierder noets tot e gebied mèt dee naom had behuurd. 't Bisdóm Hasselt woort opgeriech in 1967, boemèt ouch de kèrkeleke baand mèt Luuk woort doorgesnooje.

De fundaminte vaan de bekènde zjeneverindustrie in Hasselt woorte gelag in de achtiende iew. Dees kaom in de negetiende iew tot de groetste bleuj. De bouw van 't Albertkanaal zörgde veur nui industrieel impulse. Allewijl is de stad veural 'n haandels- en deenstecentrum.

Extern linke

• Website vaan de gemeinte Hasselt
• Website vaan de Abdij Herkenrode
• Websait va Veldeke Hasselt vzw, veríéneging virre bescherreming, behaag èn premeuse van 't Hessels diejallek