Johannes Gutenberg

Van Wikipedia
(Doorverweze van Gutenberg)
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'n Postuum aafbiljing van Johannes Gutenberg.

Johannes Gensfleisch zur Laden zum Gutenberg (Mainz, zoeaget 1397 - Mainz, 3 fibberwarie 1468) waas 'nen Duutsjen drökker. Hae geldj es d'n oetvinjer vanne bookdrökkóns. Hae wirkdje in Straotsbörg (rónjelóm 1440) en in Mainz (rónjelóm 1450). Zie bekèndjste wirk is de in 1455 aafgekómme Gutenbergbiebel.

De väöl-gehuuerdje bewaering det Gutenberg de bookdrökkóns zów höbben oetgevónjen is misleiendj. De blokdrök besting al langer, wobie 'n ganse paasj oet ein blok woort vervaerdig. Es zón paasj achteraaf mós waere gecorrigeerdj en geredigeerdj, den mós e gans nuuj blok waere gesneje.

Gutenberg zien hieël groeate verdeens besteitj in 't gebroek van losse littere. Door Gutenberg zien oetvinjing woorte correctie en redactie mekkeliker en baeterkoup; klein verwusselingen in 't zètsel wore noe zat.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Johannes_Gutenberg&oldid=365121"