Guido Görtzen

Van Wikipedia

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


Guido Görtzen (Heërle, 9 november 1970) is 'ne veurmalige Nederlandse volleybalinternational.

Biografie[bewirk | brón bewèrke]

Görtzen beheuërt tot de gouwe generatie die in 1996 Olympisch kampioen woort in Atlanta.

Hae deeg driemaol mit aan de Olympische Sjpele. De eësjte Sjpele wo-aan Görtzen deilnóm waas in 1996 in Atlanta wo hae mèt 't Nederlands team goud veroverde door Italië in de finale mèt 3-2 te versjlaon. In 2000 woort hae biej de Sjpele in Sydney mèt 't Nederlands team viefde en veer jaor later waas hae lid van 't Nederlands team dat op de Sjpele van Athene ex aequo neugende woort.

In 1997 behaolde hae mèt 't Nederlandse team ’t de Europese titel.

De kwalificatie veur de Sjpele van 2008 in Beijing woort net gemis. In 't Olympisch kwalificatietoernooi in Turkije woort Nederland veur plaatsing oetgesjakeld door Servië. Dit waas metein de lètste interland van Görtzen.

Görtzen sjpeelde 425 wedsjtrieje veur Oranje.

Naeve zien wedsjtrieje veur Oranje sjpeelde hae èlf jaor veur Italiaanse topclubs es Montechiari, Modena en Perugia en tösjedoor veur ’t Japanse Osaka. Daonao góng hae veur völ geldj sjpele veur 't Russische Iskra Volley oet Odintsovo. Daonao keërde hae in 2006 trök nao Nederland en sjpeelde hae veur Nesselande mèt es groate doel óm biej de Oranje- en Nesselande-coach Peter Blangé in beeld te kómme veur Oranje, dat zich wouw kwalificere veur Beijing. Geliektiedig heel hae zich aevel bezig mèt ein besjtaon es zaakwaornummer van diverse sjpelers van Nesselande, gèt wat gein goodköring van coach Peter Blangé koosj höbbe. Hiejdoor moosj hae nao ein jaor al veurtiedig aafsjeid numme biej Nesselande. Hae góng vervolges in 2007 in de Duutsje Bundesliga sjpele biej Moerser SC, womit hae 'n veerde plaatsj behaolde. Hiej sjloot hae, nao de oetsjakeling van 't Nederlandse team veur Beijing, zien carrière es professioneel volleyballer aaf.

Allewiel haet hae 'n bedrief in sjportmanagement dat gesjpecialiseerd is in begeleiding van sjporters.

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Guido_Görtzen&oldid=349215"