Google Chrome
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.svg){kind=icon}
Google Chrome is 'n opensource webbrowser dee is oontwikkeld door Google Inc.. Google Chrome maak gebruuk vaan de WebKit-renderingengine en maak deils gebruuk vaan al bestaonde opensourcesoftware, veural die vaan Mozilla. Google Chrome is gebaseerd op Chromium, een opensourceproject van Google.[1]
'n Beta-versie is publiek beschikbaar sins 2 september 2008. In ierste instantie is Google Chrome gemaak veur Microsoft Windows, in later stadia weurde evels ouch versies veur Linux en MacOS op de mert gebrach.[2]
Eigensjappe
[bewirk | brón bewèrke]- Otomatisch aonvölle vaan webadresse
- 'n Kompleet nuie V8-JavaScript-Virtual Machine.
- Geavanceerde meugelekhede mèt betrèkking tot webapplicaties
- Phishing- en malwarefilter (maak gebruuk vaan de Google Safe Browsing API)
- Integratie mèt Gears.
- Ederen tab en plugin weurt in 'n eige proces oetgevoerd (dit kump de stabiliteit ten goede, en voorkump 't opeise vaan teväöl wèrkgeheuge).[3] Es 'n webpagina 'n proces liet vasloupe daan kin dit beëindig weure via 't ingebouwde taakbehier vaan Chrome (te vergeliekene mèt 't taakbehier vaan 'n besturingssysteem). De euverige tabblajer kinne daodoor gewoen gebruuk blieve, zoonder tot de browser obbenuits opgestart hoof te weure. Daoneve kin 'n tabblaad versleip weure en in 'n apaart vinster gedrejd weure.
- Incognito-mode: in dees mode weurt gein informatie euver 't surfgedraag vaan de gebruker opgeslage. Cookies en de lies mèt bezeukde pagina's weure verwijderd in tot 't tabblaad geslote weurt.
Licentie
[bewirk | brón bewèrke]De broncode vaan Chromium is vrijgegeve oonder 'n BSD-licentie.
Gebruukers van Google Chrome mote akkoord goon mèt de Google Chrome - Serviceveurwaarde. [4] 'n Artikel op Slashdot [5] heet de aondach gevestig op 'n passaasj in dees veurwaarde (hei in de Nederlandstaolige versie):
- "Door het verstrekken, publiceren of weergeven van Inhoud door of via de Services, verleent u Google een eeuwigdurende, onherroepelijke, wereldwijde, royaltyvrije en niet-exclusieve licentie op het reproduceren, aanpassen, wijzigen, vertalen, publiceren, verspreiden, publiekelijk uitvoeren en weergeven van deze Inhoud."
De passaasj in kwestie is sjijns 'n misverstand [6], aofkomstig oet de algemein veurwaarde die Google in 't algemein gebruuk voor hun produkte [7]. Google heet daonoa dees passaasj oet de licentieveurwaarde verwijderd, woebij de wijziging mèt trökwèrkende krach zal gelle veur alle gebrukers die Google Chrome höbbe gedownload. [8]
'ne Gebruker dee dees euvereinkomst neet wèlt oondersjrieve kint ze umzeile door de broncode te downloade en zelf te compilere. Dit vereis 't gebruuk vaan Microsoft Visual Studio 2005. Me kin ouch 'n versie gebruke die door iemes aanders gecompileerd is. Dees zelfgebouwde versies mote Chromium geneump weure, en neet Chrome.
Beta allein in tes-umgeving
[bewirk | brón bewèrke]Euverheidsinstèlling Govcert.nl raojt internetgebrukers aon Chrome veurläöpig neet te gebruke. De Beta-versie vaan de browser is volgens Govcert.nl allein gesjik um in 'n tes-umgeving te weure gebruuk. Zoe zouw volgens klaogers de beveiliging te winse euver laote.[9][10]
Extern links
[bewirk | brón bewèrke]- http://www.google.com/chrome Google Chrome
- http://code.google.com/chromium/ Chromium
- http://code.google.com/p/v8/ V8 JavaScript Engine
Referenties
[bewirk | brón bewèrke]- ↑ http://code.google.com/chromium/
- ↑ Google kump mèt eige browser gebaseerd op WebKit
- ↑ Technische details: http://dev.chromium.org/developers/design-documents/multi-process-architecture
- ↑ Google Chrome - Serviceveurwaarde (in 't Nederlands)
- ↑ Google's EULA Sucks, artikel op Slashdot
- ↑ Misverstand in algemein veurwaarde Chrome
- ↑ Algemein veurwaarde veur algemein Google produkte (in 't Nederlands)
- ↑ Aongepaste licentieveurwaarde Chrome (in 't Ingels)
- ↑ Govcert raojt gebruuk Google Chrome aof Webwereld, 8 september 2008
- ↑ Govcert raojt gebruuk Google Chrome aof Kassa, 10 september 2008