Godelieve van Gemen

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Baolders. Laes hie wie v'r mit de versjillende saorte Limburgs ómgaon.


Godelieve van Gemen, (geb. Bruijnen) is ein Nederlands-Limburgse dichteres. Zeej is gebaore in 1944 in Baolder, gemeinte Piël en Maas.

Godelieve sjtudeerde Scandinavische Taal- en Letterkunde mit as beejvak Duutsj in Amsterdam (doe Gemeente Universiteit) beej o.a. prof. P. Boer-den Hoed. Zeej werkde as tolk, vertaler, tekssjriëver, lierares, verhaoleverteller, remedial-teacher, bieldend könstenaer, natuurbesjermer (Werkgroep Anansi 1988 en Werkgroep tot Behoud van de Duisternis 1990), vluchtelingewerker, en waar moder van 5 kinger. Dochter Cosima maakde de illustraties beej de Nederlandstalige kingerbeuk die Godelieve sjreef en beej ein ABC-book in 't Baolders. In 1995 sjreef zeej vur 't iërs 'n verhaol in 't Baolders en wón daomei de driede priës van Veldeke-Limburg. Daonao sjreef zeej regelmaotig in heur vaderstaal gedichte en verhaole ó.a. vur Veldgewas. In 2001 waar zeej de winnares van de Limbörgse Veldekepries. Goof laezinge euver de Noord-Germaanse tale de Skandinavische tale) en de verwantsjap van hiel get Limburgse wäörd mit Skandinavische wäörd. Sung begin 2011 is zeej ein enthousiaste dichteres vur Veldgewas ó.l.v Wim Kuipers en Har Sniekers. En Platbook kin ouch op heur raekene. In 2012 waar zeej mit Paul Weelen en Marleen Schmitz genomineerd vur de Veldekepriës. Zeej pleit vur miër literaire publicaties in 't Limbörgs, mit daobeej zelf gemaakde vertalinge in 't Nederlands en door de literator zelf ingesjpraoke op CD.

Zeej sjrief in 't Hollands, en daonaeve nag ummer in 't Limbörgs. De sjtökskes van de letste jaore nump zeej zellef: Rundjes Dreuvenisse.

[bewirk | brón bewèrke]

de zomer zeumert
de zomer zeumert
ós vur de ziel in de uig
asters en bloomkoël
neut en kersjtane
vlinders op knóddelig
gistende paere en proëme.
zeumert ós
zeute wermp
vur de berbese veut
oppe greuzlende groos
de zaoch zindrende sjtein
mit ein krenske van korsmos.
zomer su suja
su su
sjlaop zaoch in de sjlup
van 't naojaor
werm nag get nao
wies 't gevreer dich verjuug.
zomer su suja
sjlaop zaoch
su su

d

Godelieve van Gemen Bruijnen, Baolder/ Baarlo, 1 oktober 2012

De zomer sprokkelt

de zomer sprokkelt voor onze ziel in de ogen asters en bloemkool noten kastanjes vlinders op knoeierig gistende peren en pruimen

sprokkelt voor ons zoete warmte voor blote voeten op aarz'lend gazon zacht nawarmende stenen met een kransje van korsmos

zomer su suja su su slaap zacht in de schoot van de herfst verwarm nog wat na tot 't vriezen je wegjaagt.

zomer su suja slaap zacht

  • ----------------------------------------------------------------------
  • Laeve is leefde

de leefde, ach leefde

do leefde, do bös euveral.

wae wilt laeve, haet leef

de mies en de buim

de knieën, ‘t kink,

de aengers de aeng,

de maelder en moets

jónge kaels mit 't humme get aope

-asse genne zoëpkop höbbe

en genne doorgenäökde kiëk in de uig-

't helske zoë mals

de sjtum volgreujd.


maedjes mit auge

wie bleujende kralle

vlassend op de leefde

van dae eine dae feine.

Laef leef

--------------------------------------------------------

Godelieve van Gemen, 21 november 2014

--------------------------------------------------------

Leven is liefde

 

de liefde, ach liefde

jij liefde, je bent overal

wie wil leven, heeft lief

de poes en de bomen

konijnen, een kind

de eksters de eend

de merel en mus

jonge mannen, de kraag een tikkeltje open

-als ze geen zuipkop hebben

en geen stukgenaaide blik in de ogen-

de hals zo zacht

de stem volgroeid

meisjes met ogen

als bloeiende kralen

verlangend naar de liefde

van die ene die juiste

Leef lief

-----------------------------------------------------------------------------

Godelieve van Gemen, 21 november 2014


-----------------------------------------------------------------------------


Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Godelieve_van_Gemen&oldid=379849"