Gerlach (Nevada)

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Houtems. Laes hie wie v'r mit de versjillende saorte Limburgs ómgaon.


Ligking van Gerlach (road) in Washoe County en van Washoe County (oranje) in Nevada.
Historische watertore in Gerlach.

Gerlach is e dörpke (census-designated place) in Washoe County in d'n Amerikaanse sjtaot Nevada. Bis 2010 vörmde 't mit 't kortbie Empire ein CDP; dat jaor woort Empire aafgesjplits. De kortsbie plaatsj nao Empire (wat zoaget 10 kilomaeter zujelik van Gerlach ligk) is 't groet dörp (town) Nixon in 't Pyramide Lake-Paiutereservaat. De ièsjte groete plaats, Reno, ligk al zoe'n 160 kilomaeter van Gerlach aaf. In de buurt vint me nog waal de Flygeiser.

Gerlach woort in 1906 gesjtich bie d'n aanlègk van de Western Pacific Railroad. De sjtatie die Gerlach dao-aan hauw is intösje allank weg. De plaatsj woort verneump nao de Gerlach Land and Livestock Company, opgerich door 'ne zekere Louis Gerlach.[1] Door zien ligking aan 't sjpaor, meh ouch door de gipskoel dae kortbie in Empire waor opegegange, greujde 't plaetsjke sjnel oet. Op zie huègdepunt in de jaore vieftig hauw 't óngevaer doezend inweunersj. In 2011 góng de koel toe, saer daen tied is 't dörp hendig vervalle. In 2018 hauw Gerlach nog mer 108 inweunersj. Vanaaf 2016 probeert me de koel weer operationeel te make.

't Burning Man-festival weurt eder jaor in de buurt van Gerlach gehouwte.

Bronne[bewirk | brón bewèrke]

Dit artikel is gebaseerd op, meh neet vertaald oet, 't corresponderend Ingelstalig artikel, en waal in dees versie.

Rifferenties[bewirk | brón bewèrke]

  1. Visit Gerlach - History
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Gerlach_(Nevada)&oldid=442801"