Gerhard Schröder
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Gerhard Fritz Kurt Schröder (Mossenberg, Noordrien-Wesfale, 7 april 1944) is 'ne Duitse politicus. Vaan 1998 tot 2005 waor heer de 33e kanseleer vaan Duitsland en de zevende vaan de Duitse Bondsrippebliek. Heer veurde de gemateg-linkse partij de SPD aon en volgde in 1998 Helmut Kohl op. Heer steit bekind um zie charisma en de meneer boe-op heer mèt de media umgeit. Zien regeerstiel waor ein vaan compromisse, meh tegliek ouch vaan compromisloesheid es 't geit um impopulair maatregele. Op 22 november 2005 woort heer opgevolg door Angela Merkel.
