Genreliteratuur

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Veer leefdesromans in serie vaan oetgeverij Harlequin. Versjijning in serie is 'n algemein kinmerk vaan väöl (neet alle) genreliteratuur.

Genreliteratuur of triviaol literatuur (in de volksmoond ouch wel pölp geneump) is de verzaomelnaom veur alle fictioneel tekste die in hoofzaak neet um e kunszinneg ideaol drejje meh dene um de lezer te plezere. Kort gezag geit 't in genreliteratuur um de wereld die de sjriever creëert, en neet um 't verhaol op ziech (en de oontwikkeling vaan e personnaasj). De naom kump vaan 'n algemein kinmerk vaan zoe'n literatuur: tot ze ziech liet indeile in genres. Zoe gief 't de leefdesroman, de d'n detectiveroman, d'n historische roman, de fantasyroman en de sciencefictionroman. 'Serieus' literatuur weurt dèks zoonder mie literatuur geneump. Wijer typerende kinmerke zien: versjijne in serievörm, 'ne vertèltrant toontelum 'n vaste formule (boe-aon de lezer kin verslaaf rake; vaandao d'n Ingelse naom formula fiction) en vlake personnazjes (soms keihel stereotype). Euver 't algemein is genreliteratuur escapistisch; dèks krijg ze 't verwiet kitsj te zien.

't Categorisch versjèl tösse 'triviaol' en 'serjeus' literatuur is neet zoonder probleme. Ierstens zien de terme neerbuigend. Twiedens is 't versjèl neet absoluut. Sommege fantasybeuk zien es Bildungsroman opgezat (Harry Potter) en bepaolde pelitieromans drage 'ne maotsjappeleke thematiek (Sjöwall en Wallöö), dewijl werke mèt mie pretentie ouch bès e spannend (detective-echteg) plot kinne höbbe of in 't verleie kinne speule. Daobij zien literair genres euver 't algemein oontwikkeld oet werk vaan gewaardeerde sjrievers (de leefdesroman is beveurbeeld sterk beïnvleujd door 't werk vaan Jane Austen).


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Genreliteratuur&oldid=353717"