Geert van Eijk
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Tegels, es te dit dialek sjpriks.
Gerardus Hubertus Wilhelmus (Geert) van Eijk (Tegele, 8 oktober 1948) is 'ne Nederlandjse hockeyer. Hae vertaengewoordigde Nederlandj op de Olympische Sjpele van in 1976 in Montréal.
Van Eijk, leëraar lichamelikke opvoeding, waas in daen tied eësj lid van de Tegelse Hockey Club (THC) en later van de Venlose Hockey Club (VHC). Hae sjpeelde op de OS van 1976 alle wedsjtrieje en behaolde mèt zien team ein veerde plaatsj. In de wedsjtried óm ’t brons woort mèt 4-3 verlaore van Pakistan, naodat eësj in de hauve finale mèt 2-1 woort verlaore van de latere winnaer van ’t goud, Nuuj-Zeëlandj.