Gebroeker:TimNeijnens

Miene naam is Tim Neijnens. Ich bèn 'ne gruuëtse inwoeëner van Kelpe-Oler woeë ich gebore en opgegruudj bèn.

Ich bèn 27 jaor en pront wie edere jongere what's app en chat ich völ. 'n Account op Facebook en Instagram höb ich ouch al jaore. In 't Nederlands type nao mien vrinj höb ich noeëts gedaon, want in 't echt kal ich d'r ouch plat mèt. Ich vroog mich dök aaf wie ich 't ein en 't anger mós sjrieve. Naodet ich völ spiektje oppe Wikipedia:Sjpellingssjpiekpagina kós ich steeds baeter correct sjrieve.

Allewiel bèn ich oetbater van 'n dörpscafé in Kelpe-Oler, Grandcafé Bie de Tied, woeë ich völ aoje kal huuër aan 't buffet. De aoj weurd en gezagdjes probeer ich euver te nömme en te gebroeke zoeëdet dees blieve bestaon.

'n Poeës geleje kwaom ich in contact mèt Jan Sjure oet Lin, meister van de Limburgse taal. Hae verzörgdje vervolges de cursus ''Limburgs, wie sjriefs se det?'' in os grand café. Same mèt 20 angere lieërdje wae in drie aovendje erg völ. Noe, nao de cursus dörf ich te zègge det ich bekans foutloos Limburgs kan sjrieve.