Gavdos
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Gavdos (Nuigrieks: Γαύδος, Gavdhos) is 't groetste eiland in de Griekse periferie Kreta. 't Kretaons eiland is 33 km² groet en heet 'n inwoenertal vaan 98 (volges 2001) en 150 (volges 2011). Heimèt heet Gavdos 'n inwoenersdeechheid vaan 4 lui per km². 't Gief zès naobersjappe op Gavdos, boevaan Fokia 't groetste is, mèt volges de census vaan 2001 27 inwoeners. Dit zal volges de sjatting noe roond de 35 zien. Gavdos is 't zuielekste puntsje vaan Europa.
Naom
[bewirk | brón bewèrke]'t Eiland woort door de Roemeine en de Aw Grieke dèks oonder versjèllende naome geneump. Clauda, Claudi en Claudia waore de ierste naome die versjene in Italische gesjrèfte. Dit woort door de Grieke euvergenomme es Clavdos. Vervolges begoste de Roemeine 't eiland Cauda te neume, boenao de Grieke 't Cavdos numde. Heinao is de naom verbasterd tot Gavdos. De Venetiane numde 't eiland väöle iewe later in bepaolde tekste Gozo. Dit heet woersjijnlek niks mèt te naom te make en waor volges de mieste historici e fuitsje: ze verwisselde 't klein eiland mèt 't gelieknaomeg Gozo, ein vaan de twee hoofeilen vaan Malta.