Fifi

Van Wikipedia
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Haorsters, es te dit dialek sjpriks.

Fifi is 't daarde volweerdeg album vaan de Haorster punkband de Heideroosjes. 't Kaom oet in 1996. De Heideroosjes waore op dat memint al 'n bekinde versjijning in d'n alternatieve meziekwereld en 't album deeg 't good.

De naom vaan 't album is 'n verwijzing nao 't nommer "Tering tyfus takketrut", ein vaan de groete livesuccesse vaan 't veureg album Choice for a lost generation ?!. De veurkant tuint 'ne groete, gevierlek oetzienden hoond. De meziek op 't album is e bitteke gecompliceerder, meh blijf euver 't algemein wel trouw aon de punk. De tekste zien weer gooddeils Ingels, meh e paar vaan de bekinder leedsjes zien in 't Hollands. Ouch 't Duits heet zien positie op de plaat, in 'ne cover vaan schlagerzenger Drafi Deutscher.

Späöllies[bewirk | brón bewèrke]

  1. Break the public peace 3:07
  2. Nothing for free 2:31
  3. Collect-call to God 2:30
  4. Klapvee 3:32
  5. Who's there for me 2:44
  6. Marmor, Stein und Eisen bricht (Bruhn, Loose) 3:17
  7. I can't change the world 1:28
  8. O.P.A. 4:50
  9. Ode to the Ramones 3:14
  10. Sjonnie & Anita 3:22
  11. Beach of fake 2:03
  12. Mommy help! 2:28
  13. Fifi 0:12
  14. Western white kid 2:27
  15. The Neanderthaler 2:42
  16. Kill the human race 3:27

Hitsucces[bewirk | brón bewèrke]

Fifi waor 't ierste album vaan de Heideroosjes wat de hitlieste haolde. 't Brach 22 weke door in d'n Album Top 100, en haolde dao-in de 23e positie.

Ouch de single "Klapvee" waor e klein hitsje. 't Haolde de 42e plaots in de Mega Top 50 en kaom tot de tipparaad vaan de Nederlandsen Top 40. D'n aandere single, "Break the public peace", haolde de hitlieste neet.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Fifi&oldid=446958"