Mağusa
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Mağusa of, op versumpeld Latien, Magusa (evels spreek me Mağusa riechteg oet es Madzjoesa, deweil Magusa klink es Magkoesa, Törks: ouch Mağusa, evels officieel Gazimağusa, mer dit weurt door bekans niemes in Mağusa in 't gewoen leve gebruuk, Nuigrieks: Αμμόχωστος, Ammóchostos, Ingels: Famagusta) betaomt ziech bis ein vaan de einegste twie Noord-Cypriotische steij die gein deil in Zuid-Cyprus heet lègke; zoewie dat wel 't geval gief mèt Nicosia. Ze is de hoofplaots vaan 't Noord-Cypriotisch distrik Gazimağusa, evels weurt dat neet erkind door Zuid-Cyprus, dat vin tot de Noord-Cypriote bezètters zien. Volges dem vilt ze oonder 't distrik Famagusta. Officieel erkint de EU allein 't lètste distrik, mer in praktiek heet dat distrik gaaroet gein beteikenis mie. 't Gief 'n inwoenertal vaan 35.453. De stad had in de jaore '70 mie es 100.000 inwoeners. Evels betaomt allewijl naoventrint negenteg persent vaan de stad ziech bis niemeslaand, umtot 't ziech persies betaomt bis de grens tössebei len, boedoor niemeslaand VN-gebeed is en in praktiek niks mèt gebäörd. 't Gief mer eine wiek, Maraş (de köswiek), die behoid is. Daomèt is ze gaaroet gein belaangriek stad mie, al waor 't dat vreuger wel.