F/A-18 Hornet

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

De F/A 18, NAVO codenaam Hornet, is eine jachbommewerper dae deens duit biej de Amerikaanse marine, de US Navy, op diverse vleegdeksjepe.

Gesjiedenis

In 1974 sjtelde McDonnell Douglas de Amerikaanse marine ein gewiezigdje versie van ‘t prototype Northrop YF-17 veur. De YF-17 waas in de wedsjtried tösse de YF-16 en YF-17 aafgevalle om de opvolger te waere van’ne F-104 Starfighter. McDonnell Douglas haaj 2 modelle geboewdj. De jachversie F-18 (F veur Fighter) en ein aanvalsversie A-18 (A veur Attack). Oeteindelik waerdje d’r maar ein versie ontwikkeldj. Dit toesjtel waas ein combinasie van alletwee en kreeg de naam F/A-18. De eerste vluch vonj plaats in november 1978 en nao twee prototypes waerdje d’r elf toesjtelle geboewdj. Toen begos de boew pas ech en al sjnel waerdje dr 400 exemplare afgeleverdj. Sinds 1986 waerdje de sjterkere F/A-18C en de F/A-18D met verbaeterde elektronica en bewaopening aangesjaf door de US Navy.

Technische gegaeves

Lengte: 17,07 m.
Breidte: 11,43 m.
Heugte: 4,66 m.
Max. sjnelheid: Mach 1.8
Vleegbereik: 3400 km.