Ezerbaek

Van Wikipedia
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Ezer, es te dit dialek sjpriks.

Ezerbaek in Eys
Ezerbaek (E)

De Ezerbaek is 'n revier in Zuud-Limburg. Dees baek óntsjprunk in Boches, löp dan via Zumpelveld nao Eys. Nao dees baek is 't dörp Eys geneump wo de revier dan ouch doorheen sjtruimp. De Eyserbaek is 'n zierevier van de Gäöl en kump oet op dees revier bie Grach Burggraaf, 'n buurtsjap mèt Motte naobie Gulpe. Bie dees sjtrategisch gesitueerde versjterking kómme nog ènnige anger reviere, wó-onger de Gulp, oet in de Gäöl.

In Zumpelveld haet de Eyserbaek tweë watermeules gehad. Ter hoagte van de Oude Molenstraat waas de Aw Meule of Meule van Houben gelaege, wovan begin 2009 't meuleraad en de wateraanveur nog aanwezig zint. Wiejer sjtroamaafwèrts ligk d'r nog 'ne meuletak dae langs 'n boerderie sjtruimp wo vreuger de Bulkemsmeule gelaege waas.

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ezerbaek&oldid=382228"