Exocrien systeem
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
't Exocrien systeem besjteit oet exocrien klere, of aafveurklere, die zörge veur de excretie of oetsjeijing. 't Systeem wirk taengegesjtèld aan 't endocrien systeem det hormone aafsjèd aan 't organisme zelf, aan 't blood en weefselvleujsjtoffe.
Sómmige exocrien klere gaeve häör sjtoffe aaf in 't sjpiesvertaeringskenaal:
- sjpeekselklere;
- maag- en dermwandjklere;
- alvleiskleer;
- laever (gal).
Anger exocrien klere gaeve häör sjtoffe min of meer rechsjtreeks aaf in de boetewaereld:
- zjweitklere;
- talgklere;
- milkklere;
- anaalzakklere bie väöl deersaorte;
- prostaat.