Euverlèk categorie:Gesjreve in 't Groninger Limburgs
Mote v'r dees categorie handhave? An sich leuk tot in Groninge e paar lui nog e soort Limburgs spreke, mer um 't ech Limburgs te numme geit miech te wied. Mesjiens kin op de betreffende pagina's 'n vermelding koume tot in die dörpkes nog get lui (e soort vaan) Limburgs spreke. - Pahles | zègk 't mer 11 jan 2019 10:25 (CET)
- Zólle v'r 't meh gewuuen nao Categorie:Gesjreve in 'n ónbekènd dialek te verplaatse? --OosWesThoesBes (euverlègk) 11 jan 2019 10:40 (CET)
- Iech höb ze verplaots. - Pahles | zègk 't mer 26 jan 2019 20:20 (CET)
- Iech waor nog e bitteke in dubio euver dit oonderwerp; eigelek bin iech dat al jaore. Daorum höb iech ouch gewach mèt reagere. Wat iech eigelek veural wèl wete: besteit dat "Groninger Limbörgs" ech of is 't 'n mystificatie? En mesjiens wèt Ooswesthoesbes dat: heet me oets de bewering vaan dee mins oonderzoch? Gief 't 'n artikel dreuver? Dat zouw miech wel intrèssant liekene. En rillevant ouch, want es 't "Groninger Limbörgs" 'nen hoax is, daan höbbe artikele drin gei bestoonsrech. Steinbach (euverlègk) 26 jan 2019 20:49 (CET)
- Ich höb recèntelik (mit 't oug oppe Wiktionair; de artikele dao euver dit dialek zeen nate vingerwerk van michzelf, dus dao zów ich neet te väöl waerd aan hechte) gezóch, meh nieks gevónje. Ich weit nieks euveren achtergróndj vanne goje miens waat dit haet gesjreve. Euver 't algemein blief 'n dialek (en dit is towwel bès verangerdj, dus 't mót dao allang waere gespraoke) allein bewaardj boeten 't oearsprunkelik gebied wen me óngerhandj ganse dörper haet mit spraekers van detzelvendje dialek. Wen det 't val woor gewaes, waas de situaasje vergeliekbaar mit 't Paltsisch eilendje bie Kalkar of wie 't in 't Bildt d'raan toe is. Den hejje v'r waal zeker literatuur dao-euver gevónje. Mich liek 't dus aannummeliker det ofwaal:
- Dao wone luuj die nag plat kalle (ein groeate femielje), meh wie 't hie wuuertj gesjreven is hieël wied-getróch en dus neet wie 't daodwirkelik is (apaarter/eigener gemaak veur 't op te laote valle), ofwaal
- 't neet besteit. 't Kan good det de gebroeker waat 't maakdje veureljers haw oet Limbörg, mer 't Limbörgs geheldje d'raan mót den towwel lanksemaan d'roet zeen.
- Meh wie gezag: aannummeliker wiltj neet zègke det 't absoluut neet besteit... --OosWesThoesBes (euverlègk) 27 jan 2019 17:56 (CET)
- Ich höb recèntelik (mit 't oug oppe Wiktionair; de artikele dao euver dit dialek zeen nate vingerwerk van michzelf, dus dao zów ich neet te väöl waerd aan hechte) gezóch, meh nieks gevónje. Ich weit nieks euveren achtergróndj vanne goje miens waat dit haet gesjreve. Euver 't algemein blief 'n dialek (en dit is towwel bès verangerdj, dus 't mót dao allang waere gespraoke) allein bewaardj boeten 't oearsprunkelik gebied wen me óngerhandj ganse dörper haet mit spraekers van detzelvendje dialek. Wen det 't val woor gewaes, waas de situaasje vergeliekbaar mit 't Paltsisch eilendje bie Kalkar of wie 't in 't Bildt d'raan toe is. Den hejje v'r waal zeker literatuur dao-euver gevónje. Mich liek 't dus aannummeliker det ofwaal:
- Iech waor nog e bitteke in dubio euver dit oonderwerp; eigelek bin iech dat al jaore. Daorum höb iech ouch gewach mèt reagere. Wat iech eigelek veural wèl wete: besteit dat "Groninger Limbörgs" ech of is 't 'n mystificatie? En mesjiens wèt Ooswesthoesbes dat: heet me oets de bewering vaan dee mins oonderzoch? Gief 't 'n artikel dreuver? Dat zouw miech wel intrèssant liekene. En rillevant ouch, want es 't "Groninger Limbörgs" 'nen hoax is, daan höbbe artikele drin gei bestoonsrech. Steinbach (euverlègk) 26 jan 2019 20:49 (CET)
- Iech höb ze verplaots. - Pahles | zègk 't mer 26 jan 2019 20:20 (CET)