Euverlèk:Vleermuis

Iech höb dit artikel oets verplaots (in 2007) nao de miervoudsvörm. Los vaan 't feit tot de Nuie Mestreechsen Dictionair (digi-versie) noe vleermoes sjrijf (mèt 'n V dus, iech höb dat toen woersjijnelek opgezeuk in d'n Endepols), deit de miervoudsvörm miech noe vreemp aon. Liew beveurbeeld steit ouch in inkelvoud, Minsape is weer miervoud, mer Mins is weer inkelvoud. Mote v'r dat neet get euver aofspreke? - Pahles | zègk 't mer 26 mrt 2010 08:49 (CET)[reageren]

Toevallig höb iech miech giestere ouch verwonderd euver dat "muis", umdat dat hièl Hollands klink. Bliek dat dus Mestreechs mièvoud te zin veur "moes", meh dat zuus se pas es se 't artikel good geis leze. Mesjiens idd. toch beter um de inkelvoudige naam te gebruke bie artikele. --Aelske 26 mrt 2010 09:43 (CET)[reageren]

Nein, dao bin iech tege. Iech höb ieder nog ins 'n discussie gehad mèt 'nen aandere gebruker. Liew is inkelvoud, umtot dat ein soort is, minsape is miervoud umtot dat mier es e dozijn soorte zien, fleermuis is ouch miervoud, aongezeen dat doezende soorte zien. Dat deit de Nederlandse Wikipedia ouch, zoewie de Duitse en de Winkler Prins (de Ingelse Wikipedia is de einege oetzundering die iech kin). En dat is ouch väöl logischer, want 't artikel geit euver mier es eine vleermoes. Dao is dus niks inconsequents aon.

Wijer maag 't feit tot geer dat vreem of Hollands vint klinke gein rei zien um de naom vaan 't artikel te verandere! Geer wèlt zelf, dat höb d'r oets gezag, neet höbbe tot artikelnaome in 't AGL stoon. In 't Mestreechs kump de uu haos neet veur mèt stoettoen, die brik ziech otomatisch tot ui. Wee dat eine kier wèt, zal dat muis neet otomatisch mie Hollands in de oere klinke. Bij Vleermuus kinne sommege gebrukers ouch inkelvoud aonnumme. In mien oere klink dat beveurbeeld hendeg nao Ziews, boe muus gewoen 'moes' in 't inkelvoud is. En iemes oet Tóngere of Sintruin, dee hei ouch wèlkóm is, zal in muis niks Hollands hure. Steinbach 26 mrt 2010 11:36 (CET)[reageren]

Miech góng 't allein drum wienie v'r miervoud en wienie v'r inkelvoud sjrieve. Mer iech dink tot v'r d'r wel oetkoume, iech höb miech nog get drin verdeep. Liew is 'n soort, minsape 'n familie en vleermuis 'n orde in taxonomische zin. Dat maak netuurlek versjèl. Iech dink tot 't zoe good is (al moot d'n teks in 't artikel nog weure aongepas, mer dat daon iech zoe wel). - Pahles | zègk 't mer 26 mrt 2010 12:35 (CET)[reageren]

't Ies noe waal jaomer dat 't inkelvoudig woord: vleermoes neet miè in 't artikel sjteit!--Aelske 26 mrt 2010 12:49 (CET)[reageren]

Oké, Wikipedia is gei forum en dit is totaol neet rillevant, meh iech kin 't toch neet laote. Dit is d'n hendeg touwpasseleke meziek dee iech bij 't werk aon dit artikel luuster. :) Steinbach 🦇 (euverlègk) 8 fib 2021 23:48 (CET)[reageren]