Euverlèk:Pi (wiskónde)

Door de Wèt vaan Ellywa höb iech dit artikel dobbel aongemaak. Mien versie:

{{dialek|Mestreechs}}

Es de cirkel gans is 'oetgerold', heet heer mier es drei kier, oftewel pi kier, zienen diameter aofgelag.

Pi (π) is 'n irrationaol getal tösse 3 en 4. 't Is 'ne wiskundege constante gedefinieerd es de verhajding vaan d'n umtrèk vaan 'ne cirkel tot zienen diameter. Es irrationaol getal is pi per definitie oonmeetbaar; me kin 't evels door sjattinge of geriechde berekinge benaodere. 'n Benaodering vaan pi is nujeg veur 't berekene vaan versjèllende parameters vaan cirkele, ellipse, böl en aander meetkundege figure mèt krómmes.

Weerde

De weerde vaan pi tot op viefteg decimaole perceis is 3,14159265358979323846264338327950288419716939937510...

In de praktijk weure gemeinelek korter benaoderinge gebruuk: 3,14 is miestens genóg, veur wetensjappeleke doele kin me mèt 3,14159 volstoon. 'n Neet-decimaol benaodering is 22/7.

Formules mèt pi

Pi weurt in versjèllende formules gebruuk. De veurnaomste zien de volgende.

D'n umtrèk vaan 'ne cirkel:

$2\pi r=\pi d$

boebij r steit veur de straol en d veur diameter.

De oppervlaakde vaan 'ne cirkel:

$\pi r^{2}$

De oppervlaakde vaan 'ne bol:

$4\pi r^{2}$

D'n inhaajd vaan 'ne bol:

$4/3\pi r^{3}$

De oppervlaakde vaan 'ne kegel:

$\pi rl=\pi r{\sqrt {r^{2}+h^{2}}}$

boebij l de lateraol huugde is en h de huugde.

D'n inhaajd vaan 'ne kegel:

$1/3\pi r^{2}h$

---

Hei-in stoon wel e paar dinger die neet in dit artikel weure gezag. Mie Kinders is evels neet zoe good. Wie losse v'r dit op? Steinbach (euverlègk) 2 jun 2015 11:21 (CEST)