Euverlèk:Peerdesport

Van Wikipedia
Naar navigatie springen Naar zoeken springen

In Mestreech zal me noets Peerdssport zègke, wel Peerdesport. Iech snap de logica, vgl. peerdskop en peerdskeutel. Meh daan kump die S umtot dee keutel of dee kop VAAN 't peerd is . Bei peerdesport is 't evels neet sport VAAN 't peerd, meh sport MÈT 't peerd. Iech zow 't verplaotse nao Peerdesport. - Pahles | zègk 't mer 14 aug 2016 22:48 (CEST)

Dat klop ouch mèt mie taolgeveul, veur miech klink peerdesport natuurleker. Dien argumentatie volg iech trouwens neet 100%: 't liek miech ieder tot samestèllinge mèt peerds-, die trökgoon op de genitief inkelvoud, verwieze nao dinger die ziech op ei peerd betrèkke, en samestèllinge mèt peerde- höbbe daan betrèkking op mie peerd. Meh good, 't waore aandere die meinde tot 't paerssjport etc. mós zien, dus iech begós toch te twiefele en besloot allebei de opties ope te hawwe. Meh good, veur miech maagsten 't dis verplaotse. Steinbach Maak de wereld sjoender, besjrijf häöm op Wikipedia! 14 aug 2016 23:22 (CEST)
Ich bön 't neet mit uch èns, al is 't lestig veur mich óm euver 't Mestreechs te besloete. In 't Mofers is "paerde-" praktisch ónmeugelik, went 't mieëvaad is "paerd". Slechs bie e paar wäörd die neet -e op 't mieëvaad höbbe, veurnamelik ónziejige wie "boke-", kan die -e bie samestèllinge waeren ingeveurdj. In 't Mofers zów "paerdesport" dus 'n agrammaticaal hollandisme zeen. --OosWesThoesBes (euverlègk) 15 aug 2016 13:08 (CEST)
Iech snap die bezwoer, meh 't geit hei um 'n Mestreechs woord. Ouch in 't Mestreechs is 't miervoud peerd. Iech wél allein mer zégke tot es 't artikel in e bepaold dialek gesjreve is, d'n titel ouch in dat dialek gesjreve moot zien. En in 't Mestreechs ('t dialek vaan dit artikel) is 't zeker neet Peerdssport... - Pahles | zègk 't mer 15 aug 2016 19:15 (CEST)
@Owtb: De NMD heet peerdshaor, peerdsrije, peerdskeutel, peerdskop, peerdsmiddel, peerdsneut, peerdsoug, peerdspoet (foj toch!) etc., meh wel peerdekrach en peerdemerret. De moos verstoon tot samestèlling trökgoon op Middelnederlandse logica, en in 't Limbörgs vaan de late middeliewe moot 't miervoud vaan *perd nog *perde zien gewees. Steinbach Maak de wereld sjoender, besjrijf häöm op Wikipedia! 16 aug 2016 09:30 (CEST)
@pahles: Det klop, al geit 't in samestèllinge meistes euver 'n "welluidendheids-e" (ich geluif det Winkler 't oeatj zoea haet ómsjreve). 'nen Echte gólje regel guuef 't neet, al is 't euver 't algemein zoea det wäörd die 'n -s inne genitief hawwe, dees -s ouch veure bie 'n samestèlling. Mer inderdaad, naodet de genitief is eweggevallen in 't plat is 't alik troebel gewaore :) --OosWesThoesBes (euverlègk) 16 aug 2016 10:50 (CEST)