Euverlèk:Mokers

Wie wied besteit dit dialek nag? Ich weit det 't al in Vènraoj erg slech mit 't Plat gestèldj steit, dus ich kin mich veurstèlle det de situatie in Mook neet väöl baeter is. --OosWesThoesBes 4 fib 2012 14:37 (CET)

Gein idee eigelek, iech höb dao gein bronne veur. Iech höb trouwes 't idee tot 't mèt 't dialekgebruuk in Venroj nog wel mètvèlt; al is 't veur Limbörgse begrippe natuurlek slech demèt gestèld, este loers nao gans Nederland en Vlaondere is 't neet oetzunderlek in verval. Wie iech de lèste kier in Mook, Gennep en De Loj kaom, trof iech dao nog genóg lui die plat kóste. Wel is 't dao natuurlek sterker gekleurd nao leeftied en sociaol klas. Zoeget zal veur Mook ouch wel gelle, al woene dao wel minder lui vaan 'boete' es in Venroj. Euveregens: este de lui aonspriks in 't plat en ze praote Hollands trök, wèlt dat neet zègke tot ze gei plat mie praote: 't ligk daan mie veur de haand tot eur dialekte te wied oetrein ligke (wie beleefste dat zelf in beveurbeeld Kèrkraoj?). Zoe mós iech in Mook ouch ins euversjakele. Steinbach 4 fib 2012 14:51 (CET)

Ich huuer in eder geval noeats bie jóngere baove Vènraoj Plat, ouch neet es ich 'ns e gesprèkske "aaftap". Meh ja, 't Mokers klink netuurlik al gauw wie Nederlands (/Braobantjs) in de oeare. En euver 't Kèrkräödsj, det lök meistal nag waal mit get gokke, vraogen en lache :) --OosWesThoesBes 4 fib 2012 15:19 (CET)