Euverlèk:Middelnederlands

De ieëste zin is gevieërlik. Allewel 't zinvol is 't Middellimburgs oet literair opzich ónger 't Middelnederlandjs te zitte, wuuert 't allewiel spraokkundig gezeen opgesplits ([1], [2]). Det haet veural daomit te make det de grótste óngersjeiendje kinmirke veural zeen óntstange in 't Aadnederlandjs: behaad van a-umlaut, Kölse expansie etc. "'t Middelnederlands is 'n taolfase vaan 't Nederlands en 't Limbörgs" is te kort dore boch en zal dus get anges mótte waeren ómsjreven es 't artikel get oetgebrèdjer is. --OosWesThoesBes (euverlègk) 27 mei 2020 08:41 (CEST)[reageer]

Jao, de höbs wel geliek, meh 'Middellimbörgs' is noe eine kier gei woord. De taol vaan 't laatmiddeliews Maosland weurt eigelek ummer 'Middelnederlands' geneump en iech zeen gein aander optie es dao-in mèt te goon. Euver de versjèlle tösse Limbörgs en (westelek) Nederlands zal iech 't in de paragraaf euver de dialekte nog höbbe, wie iech dat in 't artikel Aajdnederfrankisch ouch höb gedoon. Steinbach (euverlègk) 27 mei 2020 09:41 (CEST)[reageer]

Allewiel zeker waal e waord: [3] :) Ich bön benuudj waas te daovan maaks en es 't aaf is kieke v'r waal. Ich höb hie oppe Ingelse Wiktionair al 'ns 'n duchtige discussie euver gadj mit 'ne vorm waat ich trögkbrach nao 't Aadnederlandjs, ómdet de Middelnederlandjse vorm neet oetkwaam mitte Limbörgse versie. Det waas den fout, "went 't Limbörgs kump van 't Middelnederlandjs en dus mót det Hoeagduutsjen invlood van later gewaes zeen". Det spraokverangering väöl ingewikkeldjer ligk dao wólle ze nieks van huuere. --OosWesThoesBes (euverlègk) 27 mei 2020 14:02 (CEST)[reageer]

Sk[brón bewèrke]

"vos" is de oearsprunkelike vorm, ómdet dit neet oet !fuskaz kump, mer oet *fuhsaz; de kómbenaasje "hs" is al in 't Aadnederlandjs versjuuf nao "(s)s" ("fus"). De spèlling "vosch" is get laters en dus eigelik neet etymologisch richtig. 't Veurbeeldj "vos" huuert dus neet bie dit paragraefke. --OosWesThoesBes (euverlègk) 9 jul 2020 15:49 (CEST)[reageer]

Natuurlek. Dat wis iech en dat hej iech m'ch ouch mote bedinke. Steinbach (euverlègk) 9 jul 2020 16:41 (CEST)[reageer]