Euverlèk:Kooj

Zoewie zjus ouch al vermeld op Euverlèk:Deur (starebeeld): Stier veur 't mannelek rind weurt gewoen vermeld in Endepols en is dus zeker neet "fout". - Pahles | zègk 't mer 11 jul 2017 22:00 (CEST)[reageren]

Endepols nump Hollandse en Mestreechse wäörd doorein op. De Nuie Mestreechsen Dictionair kint allein mer deur. 't Woord s(j)teer kump wel in aander soorte Limbörgs veur. Alles wijs dus trop tot dat woord stier mèt zien ie e Nederlands lienwoord is. Natuurlek wèl iech neet edereine verpliechte um deur te zègke, zeker neet es dat awwerwèts in de oere klink. Aanders hej iech 't artikel euver dat starebeeld wel verplaots. Steinbach Maak de wereld sjoender, besjrijf häöm op Wikipedia! 11 jul 2017 23:27 (CEST)[reageren]

Jao, iech weet wel wie Endepols inein zit, heer nump Nederlands en Mestreechs doorein. Evels is dit ech de Nederlandse "stier", dee weurt vertaold es stier in 't Mestreechs:

stier, 1, stier , m., -e, stierke: 'ne — mèt 'ne rink door z'n neus; 'ne — spazele.

ss. stier()kop

2, deur, m., -e, z. d e u r II

Opm. stier is thans gewoner dan deur*.

Mèt aander wäörd, stier is gewoen Mestreechs. - Pahles | zègk 't mer 12 jul 2017 07:12 (CEST)[reageren]

Veur 't Mestreechs kin ich 't netuurlik neet zègke, meh waal veur 't Mofers. 't Mofers kèntj namelik twieë wäörd: "duur" en "stier" die allebei krek zeen. "stier" wuuertj aevel väöl mieë gebroek. Det de "ie" aanguuef det 't e lieënwaord is, is neet gans dudelik; de vorm mit "ie" is namelik wied-versprèdj euver gans Midde-Limbörg. Zowaal "duur/deur" es "stier" höbbe namelik 'nen ónverklaorbare klinker; 't waord kump trögk op vörm mit *eu, det gewuuenlik ee oplieëvertj en allein uu in 't geval van 'ne labial conteks, wie *skeuban- > sjuve (daen duur/deur neet haet).

Kort-gezag: Bei vörm kómme gewuuen veur :) --OosWesThoesBes (euverlègk) 12 jul 2017 11:42 (CEST)[reageren]

G'r höb miech gooddeils euvertuig, al zal iech zelf wel deur blieve zègke en sjrieve. Steinbach Maak de wereld sjoender, besjrijf häöm op Wikipedia! 12 jul 2017 13:44 (CEST)[reageren]

Die vrieheid höbs se, went det is zeker ouch good! :) --OosWesThoesBes (euverlègk) 12 jul 2017 14:46 (CEST)[reageren]