Euverlèk:Kemps

Van Wikipedia
Naar navigatie springen Naar zoeken springen

Moet muh neet es me en mun neet es m'n gesjpeld were (vgl oetsjpraok Nederlands)--Aelske 17 dec 2007 19:01 (CET)

Daor höb ich ouch euver nao zitte dinke, maor ich veng det m'n te kort klaenk en me is neet ich de volle klaenk. Muh haet 'n zumperege klaenk.--Wolfswinkel 17 dec 2007 19:05 (CET)

Zin d'r ouch gepubliceerde brónne in of euver 't Kaemps? En ies d'r get miè bekènd euver de historie van dit dialek? Iech ving 't erg vraem dat 'n nuujboewwiek 't dialek van 'n verdwene plaats zou euvernumme. Wieniè ies die plaats verdwene en wieniè ies die wiek geboewd? cicero 17 dec 2007 22:53 (CET)

Iech höb ouch get vroage: Wat versjteis se ónder Belsj-Limburgs? Vraem ving iech ouch, dat 'n nuuj wiek 'n eige dialek haet! Wie kènt dat )zoa gouw), door wieväöl luuj weurt dat dialek gekald (en zou 't dan neet eigelik Gibrooks moete zin gezeen de historie). Ies 't neet gewoon 'ne kleine variant van 't Remunjs, zoawie se dat soort variante ouch in bv de Mestreechse wieke, Heerlese en Valkebergse wieke tegekumps? --Aelske 18 dec 2007 10:48 (CET)

Belzjes Limburgs zeen mee de dialaekte in en round Hasselt. Ich begriep det geer verward zeet emdat 't Kaemps genump wordt. Iester zaw 't ongetwiefeld wa Gibrooks genump worde, maor de meiste minse zigge geweun Kaemps, emdat 't neet allein in 't awde deil van De Kaemp, Gibrook, gekald wordt. Sins de bu van de Kaemp (tusje 1950 en 1965 sjat ich) haet 't Gibrooks zih euver de ganse wiek versprid. Dus es se 't Gibrooks zaws numme is det 'n butje fawt, emdat 't auch boete Gibrook (det slechs 'n paar streutjes in De Kaemp bevat) gekald wordt. De Kaemp is litterlek em en op Gibrook gebuut. Sommege hoeze zeen nog van 't awde Gibrook. Ich durf geine gok te wage nao 't oantal minse die de tael behirse. Es al in 't artikel aangegaeve is wordt 't Remunjs steeds populaerder en beginne de biezunderte kinmarke langzaom te vergaon. De versjelle tusje 't Remunjs en 't Kaemps/Gibrooks zeen oeters groot. In 't Kaemps höbbe muh dik d'n -j daor neet: gróndj (Remunjs) vs groond (Kaemps). Wieder is 't muh-systeem, em 't zo maer eve te numme, neet bestaonde in 't Remunjs. 't Werkwoord worde is in 't Remunjs waerde es ich mich neet verges. Wieder vel in 't Kaemps d'n eind-t dikker weg: belangriekste (Remunjs) vs belangrekse (Kaemps). Dit em allein 'n paar veurbeilde te numme. 't Gif ongetwiefeld mee versjelle maor ich kal neet zo geweldeg Remunjs.--Wolfswinkel 18 dec 2007 17:01 (CET)

Ich höb 'ns good opgelèt. Mich velt op det miense oete Kemp daadwèrkelik anges kalle es die van anger deile van Remuunj. Ich höb 'worde' neet geheurd en eigelijk 't 'me-systeem' ouch neet, ouchal zaet nemes eigelik 'me', ederein grbeok gweun 't Nederlandse 'men'. 't Grootste versjèl det biej mich opgevalle is is de naam vanne Kemp zelf. Miense oete Kemp zègke mieë Kæmp terwijl miense oet Remuunj-"Centraal" Kèmp zègke. (de è lik tösse de i en de e in) Waatse besjriefse biej gróndj - groond, liek verdach väöl op 't Lins, eerlik gezag. Dao zaet me namelik ouch gezond, dus zónger die j.
Euver 't perbleem mit kiek op 't Kaemps es dialèk van Gibrook. Neel kint dit versjiensel ouch, wie ouch bie Herte, Ool en Maerum. In Mofert höbse ouch zoget. In Ane Berg (wo ich toevallig woon) is d'r ouch 'n bietje versjil, meh dit is zo weinig det ich neet ins 'n verubeeld kin gaeve. Pósjtert bestuit oet twieë deil: Winkel en Donk. Sjroeap nömme ze óf 'krutje' óf 'ziepnaat', dao lik dus 'ne grens dwars door 't dörp haen. --OosWesThoesBes 18 dec 2007 18:33 (CET)
Ze kalle daadwerkelik andersj en dat bliek dan oet ein woord?? Zint d'r gein beter brónne es de observaties van Ooswesthoesbes? cicero 19 dec 2007 18:03 (CET)
Toevallig sjprook iech vanaovend mèt Pierre Bakkes (oud sjtreektaalfunctionaris ), dae in Remung woont en dae o.m. 't Moferts woordebook haet gesjreve. Op mien vraoge euver o.m. De Kaemp en 't Kaemps es apaart dialek, waor hae hièl dudelik (zoawie iech 't zelf al vermoed hou): "'t Ies 'ne dialekvariant van 't Remunjs, die wiek höb iech zeen opboewe en dao wone luuj ,die van hie en dao kómme", zag 'r. Inderdaad zoawie se dat bie miè groater plaatse zuus, mèt 'n paar klankaafwiekinge en get ander oetgeng haet me nog gein gans nuuj of ander dialek! Dae grammatica, dae bie 't Kaemps sjteit ies ouch neet ech opvallend, de versjiensele kómme in hièl väöl dialekte veur (zuug Limburgse grammatica). Kaemp weurt trouwens oetgejsproke es Kemp en Gibrook es Gebrook. Veer moete ech veurziechtig zin in de meining dat me 'n gans eige dialek zou sjpreke ten opziechte van ander dialekte es me van die ander dialekvariante geine kennis haet! Ièrsj ins goon kieke, leze, vergelieke en besjtudere...! --Aelske 18 dec 2007 21:46 (CET)
Dan is 't good. Meh dan effe euver broor - breur. Mich liek det hae bedoelde detse gein 'bröör' sjriefs. Meh ich weit 't neet percies. --OosWesThoesBes 19 dec 2007 07:04 (CET)
Jao dat zal waal, meh umlaut en trema ies neet 't zelfde! Trouwens dat van die mièvoude klop ouch neet gans! bv Es 'n woord op s eindig dat s 'n z weurt. Wat dan gedach van tas, mv: tasse enz.?--Aelske 19 dec 2007 17:11 (CET)
't Geit um 't versjil tösje 't versjiensel umlaut dat neet 'tzelfde ies es 't diakritisch teike umlaut (dat lètste zuut op beeldsjerme inderdaad oet es 'n trema). cicero 19 dec 2007 18:03 (CET)
Det mót dan dringend verangerd waere. Meh ich kal gein Kemps. Emes anges toevallig waal? --OosWesThoesBes 19 dec 2007 17:28 (CET)

Waat zeen rantwoorde? Leenwäörd? --OosWesThoesBes 19 dec 2007 17:41 (CET)

Iech zou nog ummer gaere weite of d'r ouch gepubliceerde brónne zin in of euver 't Kemps woa-oet zou blieke dat dit hie es 'n apaart dialek behandeld zou moete were? Euveriges klop inderdaad vanalles neet aan wat hie beweerd weurt. cicero 19 dec 2007 18:03 (CET)

Volges mich is 't geweun Remuunjs mit get speciaal wäörd. Neet ech get óm iets euver te publicere. Es 't ech 'n apaart plat zou zeen zou d'r ouch get euver te vinje zeen. Zelfs Google zaet d'r nieks euver. --OosWesThoesBes 19 dec 2007 18:10 (CET)
Google ies natuurlik neet zaligmakend. D'r ies zoaväöl neet te vinge via google. Good, de vraog blief dus sjtoon en iech betwiefel ouch of d'r get te vinge zal zin (meh dat kint de sjriever mesjiens beter beantwoorde). cicero 19 dec 2007 18:31 (CET)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Kemps&oldid=96077"