Euverlèk:Hermitage

Van Wikipedia
Naar navigatie springen Naar zoeken springen

Hoj HaLi, Wat de sjpelling hermitage betref, zou iech dees lever neet es hermistaasj wille sjrieve, meh gewoon es hermitage (zoa hèt dat museum in Petersburg toch ouch!). Iech mein örges geleze te höbbe dats doe zelf aanraojs (in naovolging van de Veldeke-sjpelling 2003) um liènweurd allein te verandere es se éch verbasterd zint in oetsjpraok! Dat ies bie hermitage, etalage, blamage etc. neet 't geval, toch? ;) --Aelske 5 dec 2005 21:43 (CET)

Nou, iech höb bij de wäörd op -age noets anders gezeen es tot ze herspeld woorte tot -aasj, en dat heet 'n gooj reje: op 't Nederlands weure die wäörd oetgesproke mèt 'n sjwa aon 't ind, op 't Limburgs neet. HaafLimbo 5 dec 2005 21:54 (CET)
Dao zint miech inderdaad persone bekènd (en ouch ónbekènd), die ál ('t kleinste miniem klenkske) wat ze huère in de sjpelling wille oetdrökke. Daodoor weurt de sjpelling en 't woordbeeld allein mer ingewiekkelder. In 't A.N. gebeurt dat ouch neet en daovan ies de oetsjpraok van noord tot zuud en oas tot wes ouch euveral andersj! Sjtèl diech veur, dats se dat allemaol zous oetsjrieve. Veer wille toch veurkómme, dat luuj meujte höbbe mèt leze. Ze wille gaar neet bezig zin mèt diverse sjpellinge en taalkundige kwesties. Daorum moete v'r in eder geval de liènweurd laote veur wat ze zint. Dao höbbe v'r dan gein zörg euver. En daobie kènt me etymologisch de weurd beter interpretere. Iech höb ervaring mèt óngeluifelike aanvaringe wat diet soort zake betref. Zuug dees veurbeelde: densing (dancing); atteljee (atelier); taedevoo (tête de veau); rizzeltaat (resultaat); ikkenemie (economie); ittelaasj (etalge); kompjoeter (computer); majjenaes (mayonaise). Dao weurs se toch neet good van! --Aelske 5 dec 2005 22:16 (CET)
Sommege vaan die wäörd, laank neet alle, sjrief iech zeker op de verlimburgsde meneer, wie teddevo en rizzeltaot. Dat concordeert ouch mèt de in 2001 door de Mestreechse gemeinteraod vasgestèlde spelling. Dao gaon iech ech neet tegenin. En bovedeen, wie wied mote v'r goon um d'n teks leesber te hawwe? Daan kinne v'r ouch alle neet-oetgesproke ennekes wel oetsjrieve, umtot dat gemekeliker leus. HaafLimbo 5 dec 2005 23:02 (CET)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Hermitage&oldid=18364"